ಬಕ್ರೀದ್ ಹಬ್ಬದ ಹಿನ್ನೆಲೆಯಲ್ಲಿ ರಾಜ್ಯದಲ್ಲಿ ಟಗರು ಮತ್ತು ಕುರಿಗಳ ವ್ಯಾಪಾರ ಜೋರಾಗಿದ್ದು, ಮಂಡ್ಯದಲ್ಲಿ ಬಂಡೂರು ತಳಿಯ ಎರಡು ಟಗರು 1.25 ಲಕ್ಷ ರೂ. ಬಂಪರ್ ಮೊತ್ತಕ್ಕೆ ಮಾರಾಟವಾಗಿದೆ.
ಮಂಡ್ಯ ಜಿಲ್ಲೆಯ ಸೂನಗನಹಳ್ಳಿಯಲ್ಲಿ ಟಗರುಗಳ ಮಾರಾಟ ಭರ್ಜರಿಯಾಗಿ ನಡೆಯುತ್ತಿದ್ದು, ರೈತ ಶಂಭು ಸುಮಾರು ಒಂದು ವರ್ಷದಿಂದ ಸಾಗಿದ್ದ ಈ ಜೋಡಿ ಟಗರುಗಳಿಗೆ ಬಂಪರ್ ಹೊಡೆದಿದ್ದಾರೆ.
ಹಾಲಹಳ್ಳಿ ಬಡಾವಣೆಯ ಸಾಬುದ್ದೀನ್‌ ಎಂಬವರು ಈ ಜೋಡಿ ಟಗರುಗಳನ್ನು ಖರೀದಿಸಿದ್ದು, ಟಗರುಗಳು ತಲಾ 80 ಕೆಜಿ ತೂಕದ್ದಾಗಿವೆ. ಕಳೆದ ಒಂದು ವರ್ಷದ ಹಿಂದೆ ತಲಾ 25 ಸಾವಿರ ರೂ. ನೀಡಿ ಸಾಬೂದ್ದೀನ್ ಟಗರುಗಳನ್ನು ಖರೀದಿಸಿದ್ದರು. 1,25,000 ಸಾವಿರಕ್ಕೆ ಎರಡು ಟಗರುಗಳನ್ನು ಖರೀದಿಸಿದ್ದಾರೆ. ಟಗರುಗಳನ್ನು ಖರೀದಿಸುವಾಗ ಕೇಕ್‌ ಕತ್ತರಿಸಿ ರೈತರಿಗೆ ಕೃತಜ್ಞತೆ ಸಲ್ಲಿಸಿದರು.
