ಫ್ರೆ.6 ರಂದು ಪ್ರಧಾನಿ ಮೋದಿ (NARENDRA MODI) ತುಮಕೂರು ಜಿಲ್ಲೆಗೆ ಆಗಮಿಸುತ್ತಿರುವ ಹಿನ್ನೆಲೆ ರಾಷ್ಟ್ರೀಯ ಹೆದ್ದಾರಿ 206ರ ಬೆಂಗಳೂರು-ಹೊನ್ನಾವರ ರಸ್ತೆಯ ಕೆ.ಬಿ ಕ್ರಾಸ್ (K.B CROSS) ನಿಂದ ನಿಟ್ಟೂರುವರೆಗಿನ ಮಾರ್ಗವನ್ನ ಬದಲಾವಣೆ ಮಾಡಿ ತುಮಕೂರು ಜಿಲ್ಲಾಧಿಕಾರಿ ವೈ.ಎಸ್ ಪಾಟೀಲ್ (Y.S PATIL ) ಆದೇಶ ಹೊರಡಿಸಿದ್ದಾರೆ.
ತುಮಕೂರು ಜಿಲ್ಲೆಯ ಗುಬ್ಬಿ ತಾಲ್ಲೂಕಿನ ನಿಟ್ಟೂರು ಬಳಿಯಿರುವ ಹೆಚ್.ಎ.ಎಲ್ ಘಟಕ ಉದ್ಘಾಟನೆಗೆ ಪ್ರಧಾನಿ ನರೇಂದ್ರ ಮೋದಿ ಆಗಮಿಸುತ್ತಿದ್ದು, ಫೆ.6 ರಂದು ಬೆಳಗ್ಗೆಯಿಂದ ರಾತ್ರಿ ವೇಳೆವರೆಗೂ ತುಮಕೂರಿನಿಂದ ತಿಪಟೂರು ಕಡೆಗೆ ತೆರಳುವ ವಾಹನಗಳು ನಿಟ್ಟೂರಿನಿಂದ ಎಡಕ್ಕೆ ಚಲಿಸಿ, ಟಿಬಿ ಕ್ರಾಸ್, ತುರುವೇಕೆರೆ ಮೂಲಕ ಕೆ.ಬಿ ಕ್ರಾಸ್ ಗೆ ಸಂಚರಿಸಲಿವೆ. ಇದನ್ನುಓದಿ :- ಡಿಕೆಶಿ, ಸಿದ್ದರಾಮಯ್ಯ ನಡೆಗೆ ಪರಮೇಶ್ವರ್ ಬೇಸರ! ಕುತೂಹಲ ಕೆರಳಿಸಿದ ಸುರ್ಜೇವಾಲ ಭೇಟಿ
ಹಾಗೆಯೇ, ತಿಪಟೂರಿನಿಂದ ತುಮಕೂರು ಕಡೆಗೆ ಸಂಚರಿಸುವ ವಾಹನಗಳು ಕೆ.ಬಿ ಕ್ರಾಸ್ ನಿಂದ ಬಲಕ್ಕೆ ತಿರುಗಿ ತುರುವೇಕೆರೆ- ಟಿ.ಬಿ ಕ್ರಾಸ್- ನಿಟ್ಟೂರು ಮೂಲಕ ತುಮಕೂರಿಗೆ ಸಂಚರಿಸುವುದು ಎಂದು ಜಿಲ್ಲಾಧಿಕಾರಿ ವೈ.ಎಸ್ ಪಾಟೀಲ್ ಸೂಚಿಸಿದ್ದಾರೆ.
ಇದನ್ನುಓದಿ :- ವಿಡಿಯೋ ಕಾಲ್ ಮಾಡಿ ಪತ್ನಿಯನ್ನು ತೋರಿಸಲಿಲ್ಲ ಎಂದು ಸಹೋದ್ಯೋಗಿ ಹೊಟ್ಟೆಗೆ ಇರಿದು ಕೊಲೆ…!
