ಬಾಗಲಕೋಟೆ : ಮತ್ತೆ ಸಿಎಂ ಸ್ಥಾನಕ್ಕೆ ಸಚಿವ ಸತೀಶ ಜಾರಕಿಹೊಳಿ ಹೆಸರು ಮುನ್ನೆಲೆ ವಿಚಾರವಾಗಿ ಶ್ರೀ ಜಗದ್ಗುರು ಸಿದ್ಧರಾಮೇಶ್ವರ ಮಹಾಸಂಸ್ಥಾನದ ಭೋವಿ ಪೀಠದ ಜಗದ್ಗುರು ಇಮ್ಮಡಿ ಸಿದ್ಧರಾಮೇಶ್ವರ ಸ್ವಾಮೀಜಿ ಪ್ರತಿಕ್ರಿಯಿಸಿದ್ದಾರೆ.
ಇಂದು ಬಾಗಲಕೋಟೆಯ ನವನಗರದ ಶ್ರೀ ಜಗದ್ಗುರು ಸಿದ್ಧರಾಮೇಶ್ವರ ಮಹಾಸಂಸ್ಥಾನ ಮಠಕ್ಕೆ ಭೋವಿ ಪೀಠದ ಜಗದ್ಗುರು ಇಮ್ಮಡಿ ಸಿದ್ಧರಾಮೇಶ್ವರ ಸ್ವಾಮೀಜಿ ಅಭಿನಂದನಾ ಸಮಾರಂಭದಲ್ಲಿ ಭೇಟಿಯಾಗಿದ್ದರು .
ಈ ವೇಳೆ ಮಾಧ್ಯಮದೊಂದಿಗೆ ಮಾತನಾಡಿ, ಸತೀಶ ಜಾರಕಿಹೊಳಿ ಮುಂದಿನ ಸಿಎಂ. ಎಸ್ಸಿ,ಎಸ್ಟಿಯಲ್ಲಿನ 170 ಸಮುದಾಯಗಳ ಜನರ ಅವಿರೋಧವಾಗಿ ಆಯ್ಕೆ ಅದು ಸತೀಶ ಜಾರಕಿಹೊಳಿ. ಅವರೇ ಮುಂದಿನ ಸಿಎಂ ಆಗಬೇಕೆನ್ನುವುದು 170 ಸಮುದಾಯಗಳ ಆಸೆಯಾಗಿದೆ. ಅವರು ನಾಯಕರನ್ನ,
ಕಾರ್ಯಕರ್ತರನ್ನ ಹುಟ್ಟು ಹಾಕಿದವರು. ಸತೀಶ ಜಾರಕಿಹೊಳಿ ಪರವಾಗಿ ಭೋವಿಪೀಠದ ಶ್ರೀಗಳಿಂದ ಭರ್ಜರಿ ಬ್ಯಾಟಿಂಗ್ ಮಾಡಿದ್ದಾರೆ.
