ಆನೇಕಲ್ : ತಾಲೂಕಿನ ಬನ್ನೇರುಘಟ್ಟ ವ್ಯಾಪ್ತಿಯ ಕುಲುಮೆಪಾಳ್ಯ ಗ್ರಾಮದ ಮನೆ ಮುಂದೆ ಚಿರತೆ ಪ್ರತ್ಯಕ್ಷಗೊಂಡಿದೆ ಎನ್ನುವ ಚಿರತೆ ಓಡಾಟದ ಭಯಾನಕ ದೃಶ್ಯ ರಾಜ್ ನ್ಯೂಸ್ ವಿಡಿಯೋ ಸಿಕ್ಕಿದೆ ಎಂದು ವರದಿಯಾಗಿದೆ.
ಮನೆಯ ಮುಂದೆ ಸುಮಾರು ಆರು ನಿಮಿಷಗಳ ಕಾಲ ಚಿರತೆ ಓಡಾಡಿದಲ್ಲದೆ, ಮನೆಯ ಮುಂದೆ ಮಲಗಿದ್ದ ನಾಯಿಗಳ ಭೇಟೆಯಾಡಿದೆ ಎಂಬ ಎಕ್ಸ್‌ಕ್ಲೂಸಿವ್‌ ದೃಶ್ಯಾವಳಿ ರಾಜ್ ನ್ಯೂಸ್‌ಗೆ ಸಿಕ್ಕಿದೆ.ಚಿರತೆ ಪ್ರತ್ಯಕ್ಷಗೊಂಡ ದೃಶ್ಯಾವಳಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದ್ದಂತೆ ಜತೆಗೆ ಚಿರತೆಯ ಹೆಜ್ಜೆ ಗುರುತು ಕಂಡ ಈ ಭಾಗದ ನಿವಾಸಿಗಳು ಸಂಜೆ , ರಾತ್ರಿ ವೇಳೆ ಮನೆಯಿಂದ ಹೊರಗೆ ಬರಲು ಭಯಪಡುವಂತ ಪರಿಸ್ಥಿತಿ ನಿರ್ಮಾಣವಾಗಿದೆ.
ಕೂಡಲೇ ಸ್ಥಳೀಯ ಗ್ರಾಮಸ್ಥರು ಅರಣ್ಯಾಧಿಕಾರಿಗಳ ಗಮನಕ್ಕೆ ಮಾಹಿತಿ ನೀಡಿದ್ದಾರೆ. ಅಧಿಕಾರಿಗಳು ಚಿರತೆ ಹಿಡಿಯುವುದಾಗಿ ಎರಡು ಬೋನನ್ನು ಇಟ್ಟಿದ್ದು, ಚಿರತೆ ಸೆರೆ ಹಿಡಿಯುವುದಾಗಿ ಗ್ರಾಮಸ್ಥರಿಗೆ ಅಭಯ ನೀಡಿದ್ದಾರೆ ಎಂದು ವರದಿಯಾಗಿದೆ.
