ನಾನು ಮನಸ್ಸು ಮಾಡಿದ್ರೆ ಸಿಎಂ ಆಗ್ತಿದ್ದೆ
ಬೆಂಗಳೂರು : ನೀವೇನು ಸರ್ವಜ್ಞನಾ.. ಎಲ್ಲಾ ಗೊತ್ತು ಅನ್ನೋಕೆ.. ಅಂತಾ ವಿಧಾನಸಭಾ ಅಧಿವೇಶನದಲ್ಲಿ ಸಚಿವ ಕೆ.ಜೆ.ಜಾರ್ಜ್ ವಿರುದ್ಧ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಕಿಡಿಕಾರಿದ್ದಾರೆ. ವಿದ್ಯುತ್ ಬಿಲ್ ಹೆಚ್ಚಳ ವಿಚಾರವಾಗಿ ಮಾಜಿ ಸಿಎಂ ಬಸವರಾಜ ಬೊಮ್ಮಾಯಿ ಸದನದಲ್ಲಿ ಪ್ರಸ್ತಾಪಿಸಿದರು.
ಈ ವೇಳೆ ಮಧ್ಯಪ್ರವೇಶ ಮಾಡಿದ ಜಾರ್ಜ್, ವಿದ್ಯುತ್ ಬಿಲ್ ಏರಿಕೆಯಾಗಿದ್ದು, ನಿಮ್ಮ ಕಾಲದಲ್ಲಿ ಅಂತಾ ಹೇಳಿದ್ರು. ಅದಕ್ಕೆ ಯತ್ನಾಳ್ ಆಕ್ಷೇಪ ವ್ಯಕ್ತಪಡಿಸಿದ್ರು. ಆಗ ಜಾರ್ಜ್ ನೀವೇನು ಮಾಡಿದ್ರೂ ವಿಪಕ್ಷ ನಾಯಕರಾಗಲ್ಲ ಅಂತಾ ಕಾಲೆಳೆದ್ರು.
ಈ ಮಾತಿಗೆ ಕೆರಳಿದ ಯತ್ನಾಳ್, ನೀವೇನು ಸರ್ವಜ್ಞರಾ.. ಎಲ್ಲಾ ಗೊತ್ತು ಅನ್ನೋಕೆ.. ಕುತ್ಕೋ ಅನ್ನೋಕೆ ನೀನ್ಯಾರು.. ನಾನೇನು ನಿಮ್ಮ ಮನೆಗೆ ಬಂದಿದ್ನಾ..? ಅಂತಾ ಯತ್ನಾಳ್ ಕಿಡಿಕಾರಿದ್ರು.
ಈ ವೇಳೆ ಮತ್ತೆ ಯತ್ನಾಳ್ ಗೆ ಟಾಂಗ್ ಕೊಟ್ಟ ಜಾರ್ಜ್ ವಿಪಕ್ಷ ನಾಯಕನ ಕುರ್ಚಿ ಖಾಲಿ ಇದೆ. ಅದಕ್ಕಾಗಿ ಮಾತನಾಡುತ್ತಿದ್ದಾರೆ ಅಂತಾ ಟಾಂಗ್ ನೀಡಿದರು. ಇದಕ್ಕೆ ಕೆರಳಿದ ಯತ್ನಾಳ್, ನಾನು ಮನಸ್ಸು ಮಾಡಿದ್ರೆ ಸಿಎಂ ಆಗ್ತಿದ್ದೆ ಎಂದರು.
