ರಾಕಿಂಗ್ ಸ್ಟಾರ್ ಯಶ್ ( YASH ) ನಟನೆಯ ‘KGF’ ಸಿನಿಮಾ ಭಾರತೀಯ ಚಿತ್ರರಂಗದಲ್ಲಿ ಹೊಸ ದಾಖಲೆ ಬರೆದಿದೆ. ಸರಣಿಯ ಮೊದಲ ಸಿನಿಮಾ 250 ಕೋಟಿ ಕಲೆಕ್ಷನ್ ಮಾಡಿದರೆ 2ನೇ ಸಿನಿಮಾ 1250 ಕೋಟಿ ರೂ. ಗಳಿಸಿ ಎಲ್ಲರ ಹುಬ್ಬೇರಿಸಿತ್ತು. ಈ ಸಿನಿಮಾ ಸೃಷ್ಟಿಸಿದ ಸಂಚಲನ, ಕ್ರೇಜ್ ಅಷ್ಟಿಷ್ಟಲ್ಲ. ಇದೀಗ ಈ ಚಿತ್ರದಿಂದ ಪ್ರೇರಣೆಗೊಂಡು ಈ ರೀತಿ ‘KGF’ ರೆಸ್ಟೋರೆಂಟ್ ನಿರ್ಮಾಣ ಮಾಡಲಾಗಿದೆ. ಸಿನಿಮಾ ಕ್ರೇಜ್ ಎಂಥದ್ದು ಎನ್ನುವುದು ಮತ್ತೊಮ್ಮೆ ಸಾಬೀತಾಗಿದೆ.
‘ಕನ್ನಡಿಗಾಸ್ ಗೋಲ್ಡನ್ ಫುಡ್’ ರೆಸ್ಟೋರೆಂಟ್ ಸಹಕಾರ ನಗರದಲ್ಲಿ ಓಡಾಡುವವರನ್ನು ಕೈ ಬೀಸಿ ಕರೆಯುತ್ತಿದೆ. ನರಾಚಿ ಕೋಟೆಯಂತಹ ರೆಸ್ಟೋರೆಂಟ್ ಮುಂಭಾಗ ನೋಡಿದಾಗಲೇ ಒಳಗೆ ಹೋಗಬೇಕು ಅನ್ನಿಸದೇ ಇರುವುದಿಲ್ಲ. ಇನ್ನು ಒಳ ಹೊಕ್ಕರೆ ಚಿನ್ನದ ಗಣಿಯ ಒಳಗೆ ಹೋಗುವ ಅನುಭವ ಆಗುತ್ತದೆ. ಚಿತ್ರದಲ್ಲಿ ತೋರಿಸಿದ್ದಂತಹ ಯಂತ್ರಗಳು, ಚಿನ್ನದ ಗಟ್ಟಿಗಳ ಮಾದರಿ ರಚನೆ, ಹೆಲಿಕ್ಯಾಪ್ಟರ್ ಎಲ್ಲರೂ ಕಾಣಸಿಗುತ್ತದೆ. ಇದನ್ನೂ ಓದಿ : – ಕೋರ್ಟ್ ಗೆ ಹೋಗ್ತಿ… ಮೆಟ್ಟಿಲಲ್ಲಿ ತೀರ್ಮಾನ ನಾನು ಕೊಡ್ತೇನೆ – ವೈರಲ್ ಆಗುತ್ತಿದೆ ಕೋರ್ಟ್ ತೀರ್ಪು!
ಶ್ರೀನಿವಾಸ್ ಎಂಬುವವರು ಸಹಕಾರ ನಗರದ ಸ್ಟೆರ್ಲಿಂಗ್ ಹೈಟ್ಸ್ ಅಪಾರ್ಟ್ಮೆಂಟ್ ಪಕ್ಕ ‘KGF’ ರೆಸ್ಟೋರೆಂಟ್ ತೆರೆದಿದ್ದಾರೆ. ಥೇಟ್ ಕೆಜಿಎಫ್ ಚಿತ್ರದ ನರಾಚಿ ಸಾಮ್ರಾಜ್ಯವನ್ನು ನೆನಪಿಸುವಂತೆ ರೆಸ್ಟೋರೆಂಡ್ ಹೊರಾಂಗಣ, ಒಳಾಂಗಣ ವಿನ್ಯಾಸ ಮಾಡಲಾಗಿದೆ.
ಇದನ್ನೂ ಓದಿ : – ವೋಟರ್ ಐಡಿ ಅಕ್ರಮ – ನೋಟ್ ಪ್ರಿಂಟ್ ಮಾಡಿದ್ದಷ್ಟೇ ದೊಡ್ಡ ಅಪರಾಧ – ಡಿಕೆಶಿ
