ಭಾರತೀಯ ಚಿತ್ರರಂಗದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಮಾರ್ಟಿನ್. ಈಗಾಗ್ಲೆ ಟೀಸರ್ ಮೂಲಕ ಹಲ್ ಚೆಲ್ ಎಬ್ಬಿಸಿರೋ ಮಾರ್ಟಿನ್ ರಿಲೀಸ್ಗೂ ಹತ್ತಿರದಲ್ಲಿದೆ. ಟೀಸರ್ ಹಾಗೂ ಒಂದಷ್ಟು ಮೇಕಿಂಗ್ನಿಂದಲೇ ಸಿಕ್ಕಾಪಟ್ಟೆ ಕ್ರೇಜ್ ಸೃಷ್ಟಿಸಿರೋ ಮಾರ್ಟಿನ್ ಅಡ್ಡದಿಂದ ಬಂಪರ್ ಸುದ್ದಿಯೊಂದು ರಿವೀಲ್ ಆಗಿದೆ.. ಎಸ್ ಆಕ್ಷನ್ ಪ್ರಿನ್ಸ್ ಧ್ರುವ ನಟನೆಯ ಮಾರ್ಟಿನ್ ಸಿನಿಮಾದ ಆಡಿಯೋ ರೈಟ್ಸ್ ಬಹುಕೋಟಿ ರೂಪಾಯಿಗೆ ಮಾರಾಟವಾಗಿದ್ದು, ಹೊಸ ದಾಖಲೆಗೆ ಸಾಕ್ಷಿಯಾಗಿದೆ.
ಮಾರ್ಟಿನ್..ಈ ಟೈಟಲ್ನಲ್ಲಿ ಅದೇನೋ ಧಮ್ ಇದೆ, ಥಿಯೇಟರ್ ಅತ್ತ ಸೆಳೆಯೋ ಪವರ್ ಇದೆ. ಯಾಕಂದ್ರೆ. ಈ ಸಿನಿಮಾದಲ್ಲಿರೋರು ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ. ಬೆರಳೆಣಿಕೆಯಷ್ಟು ಸಿನಿಮಾ ಮಾಡಿದ್ರೂ, ಬೆಟ್ಟದಷ್ಟು ಅಭಿಮಾನವನ್ನು ಸಂಪಾದಿಸಿದ ಕನ್ನಡದ ಬಹದ್ದೂರ್ ಗಂಡು. ಸದ್ಯ ಭರ್ಜರಿ ಹುಡುಗ ಸೇರಿದಂತೆ ಧ್ರುವ ಬಳಗ ಮಾರ್ಟಿನ್ ಗುಂಗಿನಲ್ಲಿದ್ದಾರೆ..
ಅವನೊಬ್ಬ ಆಜಾನುಬಾಹು. ಕಟ್ಮಸ್ತಾದ ದೇಹ, ಫಿಸಿಕಲಿ ಫಿಟ್, ಪವರ್ಫುಲ್ ಮ್ಯಾನ್. ಅವನ ಕಿರಿಚಾಟಕ್ಕೆ ಗೋಡೆಗಳೇ ಅದುರೋಗ್ಬೇಕು, ಅವನ ಕೋಪಕ್ಕೆ ಭೂಲೋಕನೇ ಕಂಪಿಸ್ಬೇಕು, ಅವನ ನೋಟಕ್ಕೆ ಎಂಥವರಾದ್ರು ಶರಾಣಾಗ್ಲೇಬೇಕು. ಅವನೇ ಈ ಸಿನಿಮಾದ ಹೀರೋ. ಅಷ್ಟಕ್ಕೂ ಈ ಸಿನಿಮಾದಲ್ಲಿ ಹೀರೋ ಪಾತ್ರ ಏನು..? ಹೀರೋ ಉದ್ದೇಶ ಏನು..? ಅದ್ಯಾವುದೂ ರಿವೀಲ್ ಆಗಿಲ್ಲ. ಆದ್ರೆ ರಿಲೀಸ್ ಆಗಿರೋ ಸ್ಯಾಂಪಲ್ಸ್ ಮಾತ್ರ ಒಂದೊಂದು ಕಥೆ ಹೇಳ್ತಿದೆ, ಪ್ರತಿ ದೃಶ್ಯನೂ ಕೌತುಕತೆ ಕೆರಳಿಸಿದೆ. ಇದು ಈಗಾಗಲೇ ಸ್ಯಾಂಪಲ್ಸ್ಗಳನ್ನ ನೋಡಿದ್ರೆ ಗೊತ್ತಾಗುತ್ತೆ.. ಇದು ಬಿಡಿ ಇದೀಗ ಮಾರ್ಟಿನ್ ಅಡ್ಡದಿಂದ ಧ್ರುವ ಅಭಿಮಾನಿಗಳಿಗೆ ಸ್ವೀಟ್ ನ್ಯೂಸ್ ಒಂದು ರಿವೀಲ್ ಆಗಿದೆ..
ಅಂದಹಾಗೆ, ಹೈ ವೋಲ್ಟೆಜ್ ಸಿನಿಮಾ ’ಮಾರ್ಟಿನ್’. 2024ರ ಬಹುನಿರೀಕ್ಷಿತ ಚಿತ್ರವೂ ಹೌದು. ಟೀಸರ್‌ನಿಂದಲೇ ಭಾರತದಾದ್ಯಂತ ಸಖತ್ ಕ್ರೇಜ್ ಕ್ರಿಯೇಟ್ ಮಾಡಿರುವ ಸಿನಿಮಾವಿದು. ಧ್ರುವ ಸರ್ಜಾ ಮಾಸ್ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿರುವ ’ಮಾರ್ಟಿನ್’ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆ ಆಗಲಿದ್ದು, ಸಖತ್ ಸೌಂಡ್ ಮಾಡುತ್ತಿದೆ.. ಇದೀಗ ಈ ಚಿತ್ರ ರಿಲೀಸ್ಗೂ ಮುನ್ನ ಕೋಟಿ ಕೋಟಿ ವ್ಯವಹಾರ ನಡೆಸಿದೆ. ಅಷ್ಟಕ್ಕೂ ಮಾರ್ಟಿನ್ ಚಿತ್ರದ ಆಡಿಯೋ ರೈಟ್ಸ್ ಎಷ್ಟು ಕೋಟಿಗೆ ಮಾರಾಟ ಆಗಿದೆ..
ಈ ಚಿತ್ರಕ್ಕೆ ತೆಲುಗಿನ ಹೆಸರಾಂತ ಮ್ಯೂಸಿಕ್ ಡೈರೆಕ್ಟರ್ ಮಣಿಶರ್ಮಾ ಅವರು ಸಂಗೀತ ಸಂಯೋಜನೆ ಮಾಡಿದ್ದಾರೆ. ರವಿ ಬಸ್ರೂರ್ ಈ ಚಿತ್ರತಂಡದ ಜೊತೆ ಕೈ ಜೋಡಿಸಿದ್ದಾರೆ. ಹೀಗಾಗಿ ಮಾರ್ಟಿನ್ ಚಿತ್ರದ ಆಡಿಯೋಗೆ ಭಾರಿ ಡಿಮ್ಯಾಂಡ್ ಬಂದಿದೆ. ಸದ್ಯ ಬರೋಬ್ಬರಿ 10 ಕೋಟಿಗೆ ಸರಿಗಮಪ ಆಡಿಯೋ ಕಂಪನಿ, ಮಾರ್ಟಿನ್ ಚಿತ್ರದ ಧ್ವನಿ ಸುರುಳಿಯನ್ನು ಖರೀದಿಸಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ ಆಡಿಯೋ ರೈಟ್ಸ್ 10 ಕೋಟಿಗೆ ಮಾರಾಟ ಆಗಿರೋದು ಇದೇ ಮೊದಲು ಅಂತಾ ಹೇಳಲಾಗುತ್ತಿದೆ. ಈ ಮೂಲಕ ಮಾರ್ಟಿನ್ ಚಿತ್ರ ಆಡಿಯೋ ಮಾರಾಟದಲ್ಲಿ ಹೊಸ ದಾಖಲೆ ಬರೆದಂತಾಗಿದೆ
ಆಕ್ಷನ್ ಎಂಟರ್ಟೈನರ್ ಮಾರ್ಟಿನ್ ಚಿತ್ರಕ್ಕೆ ಬಹುಭಾಷಾ ನಟ, ಆಕ್ಷನ್ ಕಿಂಗ್ ಅರ್ಜುನ್ ಸರ್ಜಾ ಕಥೆ ಬರೆದಿದ್ದಾರೆ. ನಿರ್ದೇಶಕ ಎ.ಪಿ.ಅರ್ಜುನ್ ಆಕ್ಷನ್ ಕಟ್ ಹೇಳಿದ್ದಾರೆ.. ಮಾರ್ಟಿನ್ ಔಟ್ ಅಂಡ್ ಔಟ್ ಆಕ್ಷನ್ ಸಿನಿಮಾ ಅನ್ನೊದನ್ನ ಟೀಸರ್ ರಿವೀಲ್ ಮಾಡಿದೆ.. ಚಿತ್ರದಲ್ಲಿ ದೇಶ ಪ್ರೇಮ ಜೊತೆಗೆ ಒಂದು ಮುದ್ದಾದ ಲವ್ ಸ್ಟೋರಿ ಇದೆ.. ಅಷ್ಟೇ ಅಲ್ಲಾ ಫ್ಯಾಮಿಲಿ ಸ್ಟೋರಿಯೂ ಇರಲಿದೆ. ಸದ್ಯ ರಿವೀಲ್ ಆಗಿರುವ ಟೀಸರ್‌ನಲ್ಲಿ ಧ್ರುವ ಸರ್ಜಾ ದೇಶ ಕಾಯುವ ರಕ್ಷಕ ಅನ್ನೋದು ಗೊತ್ತಾಗುತ್ತದೆ.
ಧ್ರುವ ಸರ್ಜಾ ಜೋಡಿಯಾಗಿ ವೈಭವಿ ಶಾಂಡಿಲ್ಯ ನಟಿಸಿದ್ದು, ಅನ್ವೇಶಿ ಜೈನ್, ನಿಕಿತೀನ್ ಧೀರ್ ಸೇರಿದಂತೆ ದೊಡ್ಡ ತಾರಾ ಬಳಗವಿದೆ. ಬೆಂಗಳೂರು, ಕಾಶ್ಮೀರದ ಸುಂದರ ತಾಣಗಳಲ್ಲಿ ಮಾರ್ಟಿನ್ ಚಿತ್ರೀಕರಣವಾಗಿದೆ. ಕಾಶ್ಮೀರದ ಐಸ್ವಾರ್ ಸಾಹಸ ದೃಶ್ಯಗಳ ಜೊತೆಗೆ ರೋಮಾಂಚನಕಾರಿ ಸ್ಕೇಟಿಂಗ್ ಆಕ್ಷನ್ ಸೀನ್ಸ್‌ಗೆ ಮಾರ್ಟಿನ್ ಸಾಕ್ಷಿಯಾಗಲಿದೆ. ಮಾರ್ಟಿನ್ ಕ್ಲೈಮ್ಯಾಕ್ಸ್‌ಗೆ ಸಾಹಸ ನಿರ್ದೇಶಕರಾದ ರವಿವರ್ಮ ಹಾಗೂ ರಾಮ್ ಲಕ್ಷ್ಮಣ್ ಕಂಪೋಸ್ ಮಾಡಿರೋದು ಇಲ್ಲಿನ ಮತ್ತೊಂದು ಹೈಲೈಟ್‌
ಸ್ಯಾಂಡಲ್‌ವುಡ್ ಖ್ಯಾತ ನಿರ್ಮಾಪಕ ಉದಯ್ ಕೆ ಮೆಹ್ತಾ ಈ ಚಿತ್ರವನ್ನ ಅದ್ದೂರಿಯಾಗಿ ನಿರ್ಮಿಸಿದ್ದಾರೆ, ಅನ್ನೋದಕ್ಕೆ ಸ್ಯಾಂಪಲ್ಸ್‌ಗಳೆ ಸಾಕ್ಷಿಯಾಗಿದೆ. ಒಟ್ಟಾರೆಯಾಗಿ ಸ್ಯಾಂಪಲ್ಸ್ಗಳಿಂದಲೇ ಜರ್ಬದಸ್ತ್ ಆಗಿ ಘರ್ಜಿಸುತ್ತಿರೋ ಮಾರ್ಟಿನ್ ಸಿನಿಮಾ ನಮ್ಮ ಕನ್ನಡದಲ್ಲಿ ಮಾತ್ರವಲ್ಲ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಸದ್ಯದಲ್ಲಿಯೇ ರಿಲೀಸ್ ಆಗಲಿದೆ.
