ಆಲೂ, ವೆಜ್ಟೇಬಲ್, ಅಣಬೆ ಮತ್ತು ಪನೀರ್ ಸಮೋಸಗಳು ಎಲ್ಲರಿಗೂ ಇಷ್ಟ ಹಾಗೂ ಈ ಸಮೋಸಗಳು ಹೋಟೆಲ್, ಬೀದಿ-ಬದಿಗಳಲ್ಲೂ, ಚಾಟ್‍ಸ್ಟ್ರೀಟ್‍ಗಳಲ್ಲಿ ಸಾಮಾನ್ಯವಾಗಿ ಸಿಗುತ್ತದೆ. ನಾವೇ ಮನೆಯಲ್ಲಿಯೇ ಸುಲಭವಾಗಿ ಗರಿಯಾದ ಚಿಕನ್ ಸಮೋಸ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳೋಣ ಬನ್ನಿ…
ಬೇಕಾಗುವ ಪದಾರ್ಥಗಳು:
ಬೋನ್ಲೆಸ್ ಚಿಕನ್ – 1 ಕಪ್
ಮೆಣಸಿನ ಪುಡಿ – 1 1/2 ಟೀಸ್ಪೂನ್
ಗರಂ ಮಸಾಲಾ – 1 ಟೀಸ್ಪೂನ್
ಅರಿಶಿನ – ಅರ್ಧ ಟೀಸ್ಪೂನ್
ಸೋಂಪಿನ ಪುಡಿ – 1 ಟೀಸ್ಪೂನ್
ಕಾಳುಮೆಣಸು – ಅರ್ಧ ಟೀಸ್ಪೂನ್
ಕೊತ್ತಂಬರಿ ಪುಡಿ – 2 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಎಣ್ಣೆ – ಹುರಿಯಲು ಬೇಕಾಗುವಷ್ಟು
ಸಣ್ಣಗೆ ಹೆಚ್ಚಿದ ಈರುಳ್ಳಿ – 3
ಬೆಳ್ಳುಳ್ಳಿ ಪೇಸ್ಟ್ – 1 ಟೀಸ್ಪೂನ್
ಶುಂಠಿ ಪೇಸ್ಟ್ – 1 1/2 ಟೀಸ್ಪೂನ್
ಸಣ್ಣಗೆ ಹೆಚ್ಚಿದ ಹಸಿರು ಮೆಣಸಿನಾಯಿ – 3
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು ಕಾಲು ಕಪ್
ಮೊಟ್ಟೆ – 1
ಮೈದಾ – 2 ಕಪ್
ನೀರು – ಅಗತ್ಯಕ್ಕೆ ತಕ್ಕಷ್ಟು
ಮಾಡುವ ವಿಧಾನ:
- ಮೊದಲಿಗೆ ಪ್ಯಾನ್ನಲ್ಲಿ 2 ಟೀಸ್ಪೂನ್ ಎಣ್ಣೆ ಹಾಕಿ, ಬಿಸಿಯಾದ ಬಳಿಕ ಈರುಳ್ಳಿಯನ್ನು ಹಾಕಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಫ್ರೈ ಮಾಡಿ.
- ಶುಂಠಿ ಹಾಗೂ ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಮಿಶ್ರಣ ಮಾಡಿ.
- ಬಳಿಕ ಸಣ್ಣಗೆ ಕೊಚ್ಚಿದ ಚಿಕನ್, ಸೋಂಪಿನ ಪುಡಿ, ಕಾಳುಮೆಣಸು ಹಾಗೂ ಕೊತ್ತಂಬರಿ ಸೊಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
- ಚಿಕನ್ ಚೆನ್ನಾಗಿ ಬೆಂದ ಬಳಿಕ ಪ್ಯಾನ್ ಅನ್ನು ಪಕ್ಕಕ್ಕಿಟ್ಟು ಮಿಶ್ರಣವನ್ನು ಆರಲು ಬಿಡಿ.
- ಈಗ ಒಂದು ದೊಡ್ಡ ಪಾತ್ರೆಯನ್ನು ತೆಗೆದುಕೊಂಡು, ಅದರಲ್ಲಿ ಮೈದಾ, ಮೊಟ್ಟೆ ಹಾಗೂ ಉಪ್ಪು ಹಾಕಿ ಮಿಶ್ರಣ ಮಾಡಿ.
- ಹಿಟ್ಟು ಚೆನ್ನಾಗಿ ಮಿಶ್ರಣವಾದ ಬಳಿಕ ಸಣ್ಣ ಸಣ್ಣ ಉಂಡೆಗಳನ್ನು ಮಾಡಿ, ಲಟ್ಟಣಿಗೆಯಿಂದ ರೋಲ್ ಮಾಡಿಕೊಳ್ಳಿ.
- ಈಗ ಹಿಟ್ಟಿನ ಹಾಳೆಯ ಮೇಲೆ ಎರಡೆರಡು ಟೀಸ್ಪೂನ್ ಚಿಕನ್ ಮಿಶ್ರಣವನ್ನು ಹಾಕಿ, ಹಿಟ್ಟನ್ನು ಸಮೋಸ ಆಕಾರದಲ್ಲಿ ಮಡಚಿಕೊಳ್ಳಿ. ಎಲ್ಲಾ ಸ್ಟಫಿಂಗ್ಗಳನ್ನು ಹೀಗೇ ತಯಾರಿಸಿಕೊಳ್ಳಿ.
- ಬಾಣಲೆಯಲ್ಲಿ ಎಣ್ಣೆ ಹಾಕಿ, ಬಿಸಿಯಾದ ಬಳಿಕ ಸಮೋಸಗಳನ್ನು ಎಣ್ಣೆಯಲ್ಲಿ ಡೀಪ್ ಫ್ರೈ ಮಾಡಿ.
- ಸಮೋಸ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಕರಿಯಿರಿ.
- ಈಗ ಸಮೋಸಗಳನ್ನು ಎಣ್ಣೆಯಿಂದ ತೆಗೆದು ಟಿಶ್ಯೂ ಪೇಪರ್ ಮೇಲೆ ಹರಡಿ.
ಗರಿಯಾದ ಚಿಕನ್ ಸಮೋಸ ತಯಾರಾಗಿದ್ದು, ಸಾಸ್ ಅಥಾ ಗ್ರೀನ್ ಚಟ್ನಿಯೊಂದಿಗೆ ಸವಿಯಿರಿ.
