ಆಲೂಗಡ್ಡೆ, ಎಲ್ಲಾ ತರಕಾರಿಗಳನ್ನು ಹೆಚ್ಚಾಗಿ ಕಟ್ಲೆಟ್ನಲ್ಲಿ ಬಳಸಲಾಗುತ್ತದೆ. ಯಾವಾಗಲೂ ಕೇವಲ ತರಕಾರಿಗಳನ್ನೇ ಬಳಸಿ ಕಟ್ಲೆಟ್ ಮಾಡಬೇಕೆಂದೇನಿಲ್ಲ. ನಾವು ಇವತ್ತು ಬೇಯಿಸಿದ ಮೊಟ್ಟೆಯಿಂದ ಕಟ್ಲೆಟ್ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳೋಣ. ನೀವೂ ಕೂಡಾ ಸುಲಭವಾಗಿ ಮನೆಯಲ್ಲಿ ಟ್ರೈ ಮಾಡಿಬಹುದು.
ಬೇಕಾಗುವ ಪದಾರ್ಥಗಳು:
ಬೇಯಿಸಿದ ಮೊಟ್ಟೆ – 5/6
ಬೇಯಿಸಿ ಕಿವುಚಿದ ಆಲೂಗಡ್ಡೆ – 3/4
ಸಣ್ಣಗೆ ಹೆಚ್ಚಿದ ಈರುಳ್ಳಿ – 1/2
ಕೆಂಪು ಮೆಣಸಿನ ಪುಡಿ – 1 ಟೀಸ್ಪೂನ್
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು – 3 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಹಸಿ ಮೊಟ್ಟೆ – 1/2
ಬ್ರೆಡ್ ಕ್ರಂಪ್ಸ್ ಅಥವಾ ರಸ್ಕ್ ಪೌಡರ್ – ಕೋಟಿಂಗ್ಗೆ
ಎಣ್ಣೆ – ಹುರಿಯಲು
ಮಾಡುವ ವಿಧಾನ:
- ಮೊದಲಿಗೆ ಒಂದು ಬಟ್ಟಲಿನಲ್ಲಿ ಬೇಯಿಸಿ ಕಿವುಚಿದ ಆಲೂಗಡ್ಡೆ, ಈರುಳ್ಳಿ, ಕೆಂಪು ಮೆಣಸಿನ ಪುಡಿ, ಉಪ್ಪು ಮತ್ತು ಕೊತ್ತಂಬರಿ ಸೊಪ್ಪನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
- ಬೇಯಿಸಿದ ಮೊಟ್ಟೆಗಳನ್ನು ತೆಗೆದುಕೊಂಡು ಅದಕ್ಕೆ ಆಲೂಗಡ್ಡೆ ಮಿಶ್ರಣವನ್ನು ಸುತ್ತಲೂ ಕೋಟ್ ಮಾಡಿ.
- ಇನ್ನೊಂದು ಬಟ್ಟಲಿನಲ್ಲಿ ಹಸಿ ಮೊಟ್ಟೆಯನ್ನು ಒಡೆದು ಹಾಕಿ, ಚೆನ್ನಾಗಿ ಮಿಕ್ಸ್ ಮಾಡಿ.
- ಒಂದು ಪ್ಲೇಟ್ನಲ್ಲಿ ಬ್ರೆಡ್ ಕ್ರಂಪ್ಸ್ ಅಥವಾ ರಸ್ಕ್ ಪೌಡರ್ ಅನ್ನು ಹರಡಿಕೊಳ್ಳಿ.
- ಆಲೂಗಡ್ಡೆ ಮಿಶ್ರಣದಿಂದ ಕೋಟ್ ಮಾಡಿದ ಮೊಟ್ಟೆಗಳನ್ನು ಒಂದೊಂದಾಗಿಯೇ ಹಸಿ ಮೊಟ್ಟೆಯಲ್ಲಿ ಅದ್ದಿ ಬಳಿಕ ಬ್ರೆಡ್ ಕ್ರಂಪ್ಸ್ನಲ್ಲಿ ಉರುಳಿಸಿ.
- ಮೊಟ್ಟೆಗಳನ್ನು ಒಂದೊಂದಾಗಿಯೆ ಬಿಸಿ ಎಣ್ಣೆಯಲ್ಲಿ ಹಾಕಿ ಡೀಪ್ ಫ್ರೈ ಮಾಡಿ.
- ಕಟ್ಲೆಟ್ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಹುರಿಯಿರಿ.
- ಗರಿಗರಿಯಾದ ಆಲೂಗಡ್ಡೆ ಮೊಟ್ಟೆ ಕಟ್ಲೆಟ್ ತಯಾರಾಗಿದ್ದು, ಸ್ನ್ಯಾಕ್ಸ್ ಆಗಿ ಸವಿಯಿರಿ.
