ಹುಟ್ಟುಹಬ್ಬ ಇಲ್ಲವೇ ವಾರ್ಷಿಕೋತ್ಸವ, ಮನೆಯಲ್ಲಿ ಸಣ್ಣ-ಪುಟ್ಟ ಫಂಕ್ಷನ್ ಇರೋವಾಗ ಏನಾದರೂ ಸಿಹಿ ಮಾಡಬೇಕಲ್ವಾ. ಅದಕ್ಕೆ ನಾವು ಒಂದು ಸ್ಪೆಷಲ್ ಸಿಹಿಯಾದ ಸುಲಭದ ರೀತಿಯಲ್ಲಿ ಪನೀರ್ ಲಡ್ಡು ರೆಸಿಪಿ ಮಾಡೋದೋ ಹೇಗೆ ಎಂದು ನೋಡೋಣ ಬನ್ನಿ.
ಬೇಕಾಗುವ ಪದಾರ್ಥಗಳು :
ಪನೀರ್ – 200 ಗ್ರಾಂ
ಕಂಡೆನ್ಸ್ಡ್ ಮಿಲ್ಕ್ – ಮುಕ್ಕಾಲು ಕಪ್
ಕುದಿಸಿದ ಹಾಲು – ಕಾಲು ಕಪ್
ಸಕ್ಕರೆ – 1 ಟೀಸ್ಪೂನ್
ತುಪ್ಪ – ಅಗತ್ಯಕ್ಕೆ ತಕ್ಕಂತೆ
ಏಲಕ್ಕಿ – 2
ರೋಸ್ ಎಸೆನ್ಸ್ – 2 ಹನಿ
ಕೇಸರಿ – ಕೆಲವು ಎಸಳು
ಕತ್ತರಿಸಿದ ಪಿಸ್ತಾ – ಅಲಂಕಾರಕ್ಕೆ
ಮಾಡುವ ವಿಧಾನ:
- ಮೊದಲಿಗೆ ಒಂದು ಪಾತ್ರೆಯಲ್ಲಿ ಬಿಸಿ ನೀರಿನಲ್ಲಿ ಪನೀರ್ ಅನ್ನು ಸುಮಾರು 10-15 ನಿಮಿಷಗಳ ವರೆಗೆ ಹಾಕಿ. ಇದರಿಂದ ಪನೀರ್ ಮೃದುವಾಗುತ್ತದೆ.
- ಬಳಿಕ ಪನೀರ್ ಅನ್ನು ನೀರಿನಿಂದ ತೆಗೆದು, ಅದನ್ನು ಪುಡಿ ಮಾಡಿಕೊಳ್ಳಿ.
- ಪನೀರ್ ಅನ್ನು ಮಿಕ್ಸರ್ ಜಾರ್ಗೆ ಹಾಕಿ, ಅದಕ್ಕೆ ಕುದಿಸಿ ಆರಿಸಿದ ಹಾಲು, ಕಂಡೆನ್ಸ್ಡ್ ಮಿಲ್ಕ್, ಕೇಸರಿ, ಏಲಕ್ಕಿ, ಸಕ್ಕರೆ ಹಾಗೂ ರೋಸ್ ಎಸೆನ್ಸ್ ಅನ್ನು ಸೇರಿಸಿ ಚೆನ್ನಾಗಿ ರುಬ್ಬಿಕೊಳ್ಳಿ.
- ನಂತರ ರಬ್ಬಿದ ಮಿಶ್ರಣವನ್ನು ಒಂದು ಪ್ಯಾನೆಗೆ ಹಾಕಿ, ಮಧ್ಯದ ಉರಿಯಲ್ಲಿಟ್ಟು ಕೈಯಾಡಿಸುತ್ತಾ ದಪ್ಪವಾಗುವವರೆಗೆ ಬೇಯಿಸಿ.
- ಬೇಯಿಸಿದ ಮಿಶ್ರಣವನ್ನು ತುಪ್ಪ ಸವರಿದ ತಟ್ಟೆಗೆ ವರ್ಗಾಯಿಸಿ.
- ಮಿಶ್ರಣ ಸ್ವಲ್ಪ ತಣ್ಣಗಾದ ಬಳಿಕ ಕೈಗಳಿಂದ ಚಿಕ್ಕ ಚಿಕ್ಕ ಉಂಡೆಗಳನ್ನು ಮಾಡಿಕೊಳ್ಳಿ
- ಪ್ರತಿ ಉಂಡೆಗಳಿಗೂ ಕತ್ತರಿಸಿದ ಪಿಸ್ತಾವನ್ನು ಇಟ್ಟು ಅಲಂಕರಿಸಿದರೆ ಪನೀರ್ ಲಡ್ಡು ತಯಾರಾಗುತ್ತದೆ.
