ಹೆಲ್ತ್‌ ಟಿಪ್ಸ್‌ : ಪ್ರಪಂಚದ ಅನೇಕರಿಗೆ ಸಸ್ಯಾಹಾರವು ಈಗ ಜೀವನ ವಿಧಾನವಾಗಿದೆ. ಜನರು ಡೈರಿ ಸೇರಿದಂತೆ ಮಾಂಸ, ಮೀನುಗಳು ಅಥವಾ ಪ್ರಾಣಿ ಮೂಲದ ಉತ್ಪನ್ನಗಳನ್ನು ತಿನ್ನುವುದನ್ನು ತಪ್ಪಿಸುವ ಮೂಲಕ ವೇಗನ್ ಜೀವನ ಶೈಲಿಯನ್ನು ಅನುಸರಿಸುತ್ತಿದ್ದಾರೆ. ಸಸ್ಯಾಹಾರವು ಮಾನವರಿಗೆ ಮತ್ತು ನೈಸರ್ಗಿಕ ಪರಿಸರಕ್ಕೆ ಪ್ರಯೋಜನಕಾರಿ ಎಂದು ಸಾಬೀತಾಗಿದೆ.
ಪ್ರೋಟೀನ್ ಒಂದು ಸತು, ವಿಟಮಿನ್ B ಜೀವಸತ್ವಗಳು ಹಾಗೂ ಖನಿಜಗಳ ಉತ್ತಮ ಮೂಲವಾಗಿದೆ. ಮತ್ತು ಹೆಚ್ಚಿನ ಪ್ರೋಟೀನ್ ಸ್ನಾಯುವಿನ ಬಲವನ್ನು ಹೆಚ್ಚಿಸುತ್ತದೆ. ಮತ್ತು ಹೊಟ್ಟೆ ತುಂಬಿರುವ ಭಾವನೆ ಹಾಗೂ ತೂಕ ನಷ್ಟಕ್ಕೆ ಸಹಕಾರಿಯಾಗಿದೆ. ಅದರಲ್ಲೂ ಸಸ್ಯ ಆಧಾರಿತ ಆಹಾರಗಳು ಹೆಚ್ಚಿನ ಪ್ರೋಟೀನ್ ಸೇರಿದಂತೆ ನಿಮಗೆ ಅಗತ್ಯವಿರುವ ಎಲ್ಲಾ ಪೋಷಕಾಂಶಗಳನ್ನು ಒದಗಿಸುತ್ತದೆ.
ಹೆಸರು ಕಾಳು..
240 ಮಿಲಿ ಲೀಟರ್ ಹೆಸರು ಕಾಳಿನಲ್ಲಿ 18 ಗ್ರಾಂ ಪ್ರೊಟೀನ್ ಅಂಶವಿರುತ್ತದೆ. ಹೆಸರು ಕಾಳಿನಲ್ಲಿ ವಿಧದ ಅಡುಗೆಗಳನ್ನ ಮಾಡಲಾಗುತ್ತದೆ. ಹೆಸರು ಕಾಳುಗಳನ್ನೂ ಪ್ರಮುಖವಾಗಿ ಸಲಾಡ್, ಸೂಪ್, ದಾಲ್ ಗಳಲ್ಲಿ ಬಳಸಲಾಗುತ್ತದೆ. ಹೆಸರು ಕಾಳಿನಲ್ಲಿ ನಿಧಾನವಾಗಿ ಜೀರ್ಣವಾಗುವ ಕಾರ್ಬೋಹೈಡ್ರೇಟ್ಸ್ ಗಳಿವೆ. ಒಂದು ಕಪ್ ಕಾಳಿನಲ್ಲಿ 50ರಷ್ಟು ನಾರಿನಂಶವಿದೆ. ಇವುಗಳ ಜೊತೆಗೆ ಮ್ಯಾಂಗನೀಸ್ ಮತ್ತು ಫೋಲೇಟ್ ಕಬ್ಬಿಣಾಂಶಗಳು ಸಹ ಇದೆ.ಹೆಸರು ಕಾಳುಗಳನ್ನು ನಮ್ಮ ದಿನನಿತ್ಯದ ಜೀವನದಲ್ಲಿ ನಾವು ಬಳಸುತ್ತೇವೆ. ಉತ್ತಮ ಗುಣಮಟ್ಟದ ಪ್ರೋಟೀನ್ ಅಂಶ ದೊರೆಯಬೇಕೆಂದರೆ ಹೆಸರುಕಾಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿ
ಕಡಲೆಬೀಜ..
ಕಡಲೆಬೀಜದಲ್ಲಿ ಹೆಚ್ಚಿನ ಪ್ರಮಾಣದ ಪ್ರೊಟೀನ್ ಅಂಶವಿದೆ. ಕಡಲೆ ಬೀಜದಲ್ಲಿ ಉತ್ತಮ ಗುಣಮಟ್ಟದ ಕೊಬ್ಬು ಇದ್ದು, ಇದು ನಿಮ್ಮ ಹೃದಯದ ಆರೋಗ್ಯವನ್ನು ಉತ್ತಮ ಸ್ಥಿತಿಯಲ್ಲಿ ಇಡುತ್ತದೆ. ಅರ್ಧ ಕಪ್ ನಷ್ಟು ಕಡಲೆಬೀಜದಲ್ಲಿ 20.5 ಗ್ರಾಂ ಪ್ರೋಟೀನ್ ಇದೆ. ಕಡಲೆಬೀಜದ ಬೆಣ್ಣೆಯಲ್ಲಿ ಸಹ ಉತ್ತಮ ಮಟ್ಟದ ಪ್ರೊಟೀನ್ ಅಂಶವಿದೆ.ಒಂದು ಟೇಬಲ್ಸ್ಪೂನ್ ಕಡಲೇಬೀಜದ ಬೆಣ್ಣೆಯಲ್ಲಿ 3.6 ಗ್ರಾಂ ರಷ್ಟು ಪ್ರೊಟೀನ್ ಅಂಶವಿದೆ.ಕಡಲೆಬೀಜದ ಸ್ಯಾಂಡ್ವಿಚ್ಗಳು ಆರೋಗ್ಯದಾಯಕ ಮತ್ತು ಪರಿಪೂರ್ಣವಾದ ಪ್ರೊಟೀನ್ ಅಂಶ ಹೊಂದಿರುವ ಉತ್ತಮ ಆಹಾರ ಪದಾರ್ಥವಾಗಿದೆ.
ಬಾದಾಮಿ..
ಬಾದಾಮಿಯಲ್ಲಿ ಹೇರಳವಾದ ಪ್ರೊಟೀನ್ ಅಂಶವಿದೆ. ಅರ್ಧ ಕಪ್ ಬಾದಾಮಿಯಲ್ಲಿ 16.5 ಗ್ರಾಂ ಪ್ರೊಟೀನ್ ಅಂಶವಿದೆ.ಬಾದಾಮಿಯಲ್ಲಿ ಕಡಿಮೆ ಪ್ರಮಾಣದ ಕೊಲೆಸ್ಟ್ರಾಲ್ ಇದ್ದು , ಇದರ ಜೊತೆಗೆ ವಿಟಮಿನ್ ಈ, ಮೆಗ್ನೀಷಿಯಂ,ಪೊಟ್ಯಾಶಿಯಂ ಇದ್ದು ಇದು ರಕ್ತನಾಳಗಳಲ್ಲಿ ಆಕ್ಸಿಜನ್ ಮತ್ತು ಪೋಷಕಾಂಶಗಳು ಸುಗಮವಾಗಿ ಹರಿಯಲು ಸಹಕರಿಸುತ್ತದೆ.
ಕಡಲೆಕಾಳು ಮತ್ತು ಬೀನ್ಸ್..
ಕಡಲೆಕಾಳು ಬೀನ್ಸ್ ಗಳಲ್ಲಿ ಉತ್ತಮ ಗುಣಮಟ್ಟದ ಪ್ರೋಟೀನ್ ಅಂಶವಿದೆ. ಕಡಲೆಕಾಳು ಮತ್ತು ಬೀನ್ಸ್ ಎರಡರಲ್ಲೂ ಸಹ ಹೆಚ್ಚಿನ ಪ್ರಮಾಣದ ಪ್ರೊಟೀನ್ ಅಂಶವಿದ್ದು ,240 ಮೀಲಿ ಲೀಟರ್ ಕಾಳಿನಲ್ಲಿ 15 ಗ್ರಾಮಿನಷ್ಟು ಪ್ರೊಟೀನ್ ಅಂಶವಿದೆ.ಕಡಲೆಕಾಳು ಮತ್ತು ಬೀನ್ಸ್ ಗಳಲ್ಲಿ ಪ್ರೋಟಿನ ಜೊತೆಗೆ ನಾರಿನಂಶ ಕಬ್ಬಿಣದಂಶ ,ಪೊಟಾಶಿಯಂ, ಪ್ರಾಸ್ಪರಸ್ ಮತ್ತು ಮ್ಯಾಂಗನೀಸ್ ಅಂಶಗಳು ಸಹ ಇವೆ.
ಸೆಣಬಿನ ಬೀಜ..
ಬೇರೆಲ್ಲ ಬೀಜಗಳು ಮತ್ತು ಕಾಳಿಗಿಂತ ಸೆಣಬಿನ ಬೀಜ ಹೆಚ್ಚು ಪ್ರಚಲಿತದಲ್ಲಿಲ್ಲ. ಆದರೆ 28 ಗ್ರಾಂ ಸೆಣಬಿನ ಬೀಜದಲ್ಲಿ 10 ಗ್ರಾಂ ಪ್ರೊಟೀನ್ ಅಂಶವಿದೆ.ಆದರೆ ಆಶ್ಚರ್ಯಕರ ವಿಷಯವೇನೆಂದರೆ ಅಗಸೆ ಬೀಜ ಮತ್ತು ಚಿಯಾ ಬೀಜದಲ್ಲಿರುವ ಪ್ರಮಾಣಕ್ಕಿಂತ 50 ರಷ್ಟು ಪ್ರೊಟೀನ್ ಅಂಶ ಇದರಲ್ಲಿ ಹೇರಳವಾಗಿದೆ.ಇದೆಲ್ಲದರ ಜೊತೆಗೆ ಸೆಣಬಿನ ಬೀಜದಲ್ಲಿ ಒಮೆಗ-6 ಮತ್ತು ಒಮೆಗ -3 ಫ್ಯಾಟಿ ಆಸಿಡ್, ಉತ್ತಮ ಗುಣಮಟ್ಟದ ಮೆಗ್ನೀಶಿಯಂ, ಕಬ್ಬಿಣ,ಜಿಂಕ್, ಕ್ಯಾಲ್ಸಿಯಂ ,ಸೆಲೆನಿಯಮ್ ಅಂಶವಿದೆ.ಇನ್ನು ಮುಂದೆಯಾದರೂ ಸೆಣಬಿನ ಬೀಜಗಳನ್ನು ನಿಮ್ಮ ದಿನನಿತ್ಯದ ಆಹಾರ ಪದಾರ್ಥಗಳಲ್ಲಿ ಸೇವಿಸಿ.
ನವಣೆ..
ನವಣೆಯು ಉತ್ತಮ ಪ್ರಮಾಣದ ಪ್ರೋಟಿನ್ ಅಂಶವನ್ನು ಹೊಂದಿದೆ. ಪ್ರತಿ 240 ಮಿಲಿಮೀಟರ್ ನವಣೆಯಲ್ಲಿ 8ಗ್ರಾಂ ಪ್ರೊಟೀನ್ ಅಂಶವಿದೆ.ನವಣೆಯಲ್ಲಿ ಪ್ರೋಟೀನ್ ಅಂಶದ ಜೊತೆಗೆ ಇತರ ಪೋಷಕಾಂಶಗಳಾದ ಮೆಗ್ನೇಶಿಯಂ, ಕಬ್ಬಿಣಾಂಶ, ನಾರಿನಂಶ ,ಮ್ಯಾಂಗನೀಸ್ ಇದೆ. ನವಣೆಯನ್ನು ವಿವಿಧ ರೀತಿಯ ಪಾಸ್ತಾ,ಸೂಪ್ ಮುಂತಾದವುಗಳಲ್ಲಿ ಬಳಸಲಾಗುತ್ತದೆ.
ಪ್ರೋಟೀನ್ ಭರಿತವಾದ ತರಕಾರಿಗಳು..
ಉತ್ತಮ ಗುಣಮಟ್ಟದ ಹಸಿರು ತರಕಾರಿಗಳು ಪ್ರೊಟೀನ್ ಅಂಶವನ್ನೂ ಒಳಗೊಂಡಿದೆ. ಬ್ರೊಕೋಲಿ ,ಮಶ್ರೂಮ್, ಪಾಲಕ್ ಸೊಪ್ಪಿನಲ್ಲಿ ಉತ್ತಮಗುಣಮಟ್ಟದ ಪ್ರೊಟೀನ್ ಅಂಶವಿದ್ದು ನಿಮ್ಮ ದಿನನಿತ್ಯದ ಆಹಾರ ಪದಾರ್ಥಗಳಲ್ಲಿ ಇವುಗಳನ್ನು ಬಳಸುವುದರಿಂದ ನಿಮಗೆ ಹೆಚ್ಚಿನ ಪ್ರಮಾಣದ ಫೈಬರ್ ಮತ್ತು ಪ್ರೊಟೀನ್ ಅಂಶ ದೊರೆಯುತ್ತದೆ. ನೀವು ದಿನನಿತ್ಯ ಹೆಚ್ಚಿನ ಪ್ರಮಾಣದ ತರಕಾರಿಗಳನ್ನು ಸೇವಿಸಿ. ಇದರಿಂದ ಉತ್ತಮ ಗುಣಮಟ್ಟದ ಪ್ರೋಟೀನ್ ಅಂಶ ನಿಮ್ಮ ದೇಹಕ್ಕೆ ದೊರೆಯುತ್ತದೆ.
ಕಾಡು ಅಕ್ಕಿ..
ಕಾಡು ಅಕ್ಕಿ ,ಕಂದು ಅಕ್ಕಿ ಮತ್ತು ಬಾಸ್ಮತಿ ಸೇರಿದಂತೆ ಇತರ ದೀರ್ಘ-ಧಾನ್ಯದ ಅಕ್ಕಿ ಇತರ ಪ್ರಭೇದಗಳಿಗಿಂತ ಸುಮಾರು 1.5 ಪಟ್ಟು ಹೆಚ್ಚು ಪ್ರೋಟೀನ್ ಅನ್ನು ಹೊಂದಿರುತ್ತದೆ.ಒಂದು ಬೇಯಿಸಿದ ಕಪ್ ನಲ್ಲಿ (240 ಮಿಲಿ) 7 ಗ್ರಾಂ ಪ್ರೋಟೀನ್ ಅನ್ನು ಒದಗಿಸುತ್ತದೆ, ಜೊತೆಗೆ ಉತ್ತಮ ಪ್ರಮಾಣದ ಫೈಬರ್, ಮ್ಯಾಂಗನೀಸ್, ಮೆಗ್ನೀಸಿಯಮ್, ತಾಮ್ರ, ರಂಜಕ ಮತ್ತು ಬಿ ಜೀವಸತ್ವಗಳು.
ಆದರೆ ನಾವು ದಿನನಿತ್ಯದಲ್ಲಿ ಕಂದುಅಕ್ಕಿ ಮತ್ತು ಬಾಸ್ಮತಿ ಅಕ್ಕಿಗಳನ್ನು ಬಳಸುವುದು ಕಡಿಮೆ. ಇವೆಲ್ಲದರ ಬದಲು ಬಿಳಿ ಅಕ್ಕಿಯನ್ನು ಬಳಸುತ್ತೇವೆ,ಆದರೆ ಬಿಳಿ ಅಕ್ಕಿಯಲ್ಲಿ ಪ್ರೋಟೀನ್ ಅಂಶ ಕಡಿಮೆ ಪ್ರಮಾಣದಲ್ಲಿರುತ್ತದೆ.ಇನ್ನುಮುಂದೆ ನಿಮ್ಮ ಆಹಾರ ಪದಾರ್ಥಗಳಲ್ಲಿ ಕಾಡು ಅಕ್ಕಿ ಮತ್ತು ಬಾಸುಮತಿ ಅಕ್ಕಿ ಗಳನ್ನು ಬಳಸಿ.
ಪ್ರೋಟಿನ್ ಅವಶ್ಯಕ..
ಪ್ರೋಟಿನ್ಸ್ ಮನುಷ್ಯನ ದೇಹಕ್ಕೆ ಅತ್ಯಗತ್ಯವಾಗಿ ಬೇಕಾಗಿದೆ. ಇದು ಅಂಗಾಂಗಗಳಿಗೆ, ಮಾಂಸ, ತ್ವಚೆ, ಹಾರ್ಮೋನ್ ಬೆಳವಣಿಗೆಗೆ ಅತ್ಯಗತ್ಯವಾಗಿ ಪ್ರೊಟೀನ್ ಬೇಕು. ಪ್ರೋಟಿನ್ ಮಾನವನ ದೇಹದಲ್ಲಿ ಹಲವು ಮಹತ್ವದ ಕಾರ್ಯಗಳನ್ನು ನಿರ್ವಹಿಸುತ್ತದೆ. ಎಲ್ಲ ವಯಸ್ಸಿನವರಿಗೂ ಪ್ರೋಟಿನ ಅವಶ್ಯಕತೆ ಇದೆ. ಪ್ರತಿಯೊಬ್ಬ ವ್ಯಕ್ತಿಯ ಶರೀರಕ್ಕೆ ಅನುಗುಣವಾಗಿ ಬೇರೆ ಬೇರೆ ಪ್ರಮಾಣದಲ್ಲಿ ಪ್ರೋಟೀನು ಅಗತ್ಯವಿದೆ. ಇದು ವ್ಯಕ್ತಿಯ ಎತ್ತರ ಮತ್ತು ತೂಕದ ಮೇಲೆ ಅವಲಂಬನೆಯಾಗಿರುತ್ತದೆ.
