ಮಧುಮೇಹವು ಪ್ರಪಂಚದಾದ್ಯಂತ ಲಕ್ಷಾಂತರ ಜನರಲ್ಲಿ ಕಂಡುಬರುವ ಒಂದು ಸಮಸ್ಯೆಯಾಗಿದೆ. ಇದು ಜನರ ದೈನಂದಿನ ಜೀವನದಲ್ಲಿ ಸಾಕಷ್ಟು ಅಡ್ಡಿಯನ್ನುಂಟು ಮಾಡುತ್ತದೆ. ನೀವು ಸರಿಯಾದ ರೀತಿಯ ಆಹಾರ ಮತ್ತು ಜೀವನಶೈಲಿಯ ಬದಲಾವಣೆಗಳೊಂದಿಗೆ ಮಧುಮೇಹವನ್ನು ಸುಲಭವಾಗಿ ನಿರ್ವಹಿಸಬಹುದು. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಪರಿಣಾಮಕಾರಿಯಾಗಿ ನಿಯಂತ್ರಿಸಲು ಆಹಾರದಲ್ಲಿ ಸೇರಿಸಬಹುದಾದ ಕೆಲವು ಆಹಾರಗಳು, ಧಾನ್ಯಗಳು ಮತ್ತು ಉತ್ಪನ್ನಗಳಿವೆ. ಮಧುಮೇಹಿಗಳು ಸುರಕ್ಷಿತವಾಗಿ ಸೇವಿಸಬಹುದಾದ ಕೆಲವು ಹಣ್ಣುಗಳನ್ನು ಆಹಾರ ತಜ್ಞರು ಶಿಫಾರಸು ಮಾಡುತ್ತಾರೆ ಮತ್ತು ಅವುಗಳಲ್ಲಿ ಒಂದು ಪಪ್ಪಾಯಿ. ಮಧುಮೇಹದಿಂದ ಬಳಲುತ್ತಿರುವವರಿಗೆ ಪಪ್ಪಾಯಿ ಬೀಜಗಳು ಸಾಕಷ್ಟು ಪ್ರಯೋಜನಕಾರಿ. ಮಧುಮೇಹಿಗಳು ಆಹಾರದಲ್ಲಿ ಪಪ್ಪಾಯಿ ಬೀಜಗಳನ್ನು ಹೇಗೆ ಸೇವಿಸಬೇಕು ಮತ್ತು ಪ್ರಯೋಜನಗಳು, ಅಡ್ಡಪರಿಣಾಮಗಳ ಮಾಹಿತಿ ಇಲ್ಲಿದೆ.
ಪಪ್ಪಾಯಿಯಂತೆಯೇ, ಪಪ್ಪಾಯಿ ಬೀಜಗಳು ಸಹ ಸಾಕಷ್ಟು ಫೈಬರ್ನಿಂದ ಸಮೃದ್ಧಯಾಗಿದ್ದು, ಇದು ಆರೋಗ್ಯಕರ ಹೃದಯವನ್ನು ಕಾಪಾಡಿಕೊಳ್ಳಲು ಮತ್ತು ಮಧುಮೇಹವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಪಪ್ಪಾಯಿ ಬೀಜಗಳಲ್ಲಿ ಪಾಲಿಫಿನಾಲ್ಗಳು, ಫ್ಲೇವನಾಯ್ಡ್ಗಳು ಮತ್ತು ಇತರ ಉತ್ಕರ್ಷಣ ನಿರೋಧಕಗಳು ಹೆಚ್ಚಿನ ಪ್ರಮಾಣದಲ್ಲಿದ್ದು, ಇದು ಮಧುಮೇಹದಂತಹ ದೀರ್ಘಕಾಲದ ಕಾಯಿಲೆಗಳ ವಿರುದ್ಧ ರಕ್ಷಣೆ ನೀಡುತ್ತದೆ. ಮಧುಮೇಹದಿಂದ ಉಂಟಾಗುವ ಆಕ್ಸಿಡೇಟಿವ್ ಒತ್ತಡದ ವಿರುದ್ಧ ಪಪ್ಪಾಯಿ ಬೀಜಗಳು ಸಾಕಷ್ಟು ಪ್ರಯೋಜನಕಾರಿ ಎಂದು ಅಧ್ಯಯನವು ಕಂಡುಹಿಡಿದಿದೆ. ಪಪ್ಪಾಯಿ ಬೀಜಗಳು ತುಂಬಾ ಕಹಿಯಾಗಿರುತ್ತವೆ, ಅದಕ್ಕಾಗಿಯೇ ಅವು ಕೆಲವು ವ್ಯಕ್ತಿಗಳಲ್ಲಿ ಜಠರ-ಕರುಳಿನ ಅಡಚಣೆಯನ್ನು ಉಂಟುಮಾಡಬಹುದು. ಗರ್ಭಿಣಿ ಅಥವಾ ಬಾಣಂತಿಯರು ಪಪ್ಪಾಯಿ ಸೇವಿಸುವುದನ್ನು ತಪ್ಪಿಸಬೇಕು ಎಂದು ತಜ್ಞರು ಎಚ್ಚರಿಸುತ್ತಾರೆ.
ಮಧುಮೇಹದ ಆಹಾರಕ್ಕಾಗಿ ಪಪ್ಪಾಯಿ ಬೀಜಗಳನ್ನು ಹೇಗೆ ಸೇವಿಸುವುದು ಪಪ್ಪಾಯಿ ಬೀಜಗಳು ಸಾಕಷ್ಟು ಕಹಿಯಾಗಿರುವುದರಿಂದ ಅವುಗಳನ್ನು ಹಸಿಯಾಗಿ ಸೇವಿಸುವುದು ಕಷ್ಟ. ನೀವು ಅವುಗಳನ್ನು ಪುಡಿ ಮಾಡಬಹುದು ಮತ್ತು ಅವುಗಳನ್ನು ಜ್ಯೂಸ್, ಸ್ಮೂಥಿಗಳು ಅಥವಾ ಸಿಹಿತಿಂಡಿಗಳ ಮೇಲೆ ಸೇರಿಸಬಹುದು. ಅವುಗಳ ಪರಿಮಳವನ್ನು ಮರೆಮಾಚಲು ಮತ್ತು ಕಹಿ ರುಚಿಯನ್ನು ಕಡಿಮೆ ಮಾಡಲು ಮೇಲೋಗರಗಳು ಮತ್ತು ಗ್ರೇವಿಗಳ ಮೇಲೆ ಅವುಗಳನ್ನು ಸಿಂಪಡಿಸಿ. ಪಪ್ಪಾಯಿ ಬೀಜದ ಅತಿಯಾದ ಸೇವನೆ ಮಾಡದಿರಿ. ಜೊತೆಗೆ ನಿಮ್ಮ ಆಹಾರದಲ್ಲಿ ಯಾವುದೇ ಪ್ರಮುಖ ಬದಲಾವಣೆಗಳನ್ನು ಮಾಡುವ ಮೊದಲು ವೈದ್ಯರನ್ನು ಸಂಪರ್ಕಿಸ ತಕ್ಕದ್ದು.
