ರಾಜ್ಯದಲ್ಲಿ ಕೊರೊನಾ (Corona) ಬೆನ್ನಲ್ಲೇ ಡೆಂಗ್ಯೂ (Dengue) ಆತಂಕ ಶುರುವಾಗಿದ್ದು, ಈ ತಿಂಗಳಲ್ಲಿ 544 ಮಂದಿಗೆ ಡೆಂಗ್ಯೂ ಜ್ವರ (Dengue fever) ಪತ್ತೆಯಾಗಿದೆ. ಈ ಮೂಲಕ ಒಟ್ಟು ಪ್ರಕರಣಗಳ ಸಂಖ್ಯೆ 2,258 ಕ್ಕೆ ಏರಿಕೆಯಾಗಿದೆ.
ಅಕಾಲಿಕ ಮಳೆಯಿಂದಾಗಿ ರಾಜ್ಯದಲ್ಲಿ ಹೆಚ್ಚಿನ ಜನರಲ್ಲಿ ಡೆಂಗ್ಯೂ ಜ್ವರ ಕಾಣಿಸಿಕೊಳ್ಳುತ್ತಿದ್ದು, ಬಿಬಿಎಂಪಿಯಲ್ಲಿ 388, ಉಡುಪಿ 256, ಮೈಸೂರು 203, ದಕ್ಷಿಣ ಕನ್ನಡ 128, ಚಿತ್ರದುರ್ಗ 116, ಶಿವಮೊಗ್ಗದಲ್ಲಿ 115 ಸೇರಿ ರಾಜ್ಯದ ಎಲ್ಲ ಜಿಲ್ಲೆಗಳಲ್ಲಿ ಡೆಂಗ್ಯೂ ಪ್ರಕರಣಗಳು ವರದಿಯಾಗಿವೆ. ಈ ವರ್ಷ 41,618 ಡೆಂಗ್ಯೂ ಶಂಕಿತರನ್ನು ಗುರುತಿಸಿ, ತಪಾಸಣೆಗೆ ಒಳಪಡಿಸಲಾಗಿದೆ. 18,348 ಮಂದಿಯ ರಕ್ತ ಪರೀಕ್ಷೆ ನಡೆಸಲಾಗಿದೆ. 2,258 ಮಂದಿಯಲ್ಲಿ ಜ್ವರ ಕಾಣಿಸಿಕೊಂಡಿದೆ. ಆದರೆ ಸಾವು ಸಂಭವಿಸಿಲ್ಲ. 2021 ರಲ್ಲಿ 7,189 ಮಂದಿಗೆ ಡೆಂಗ್ಯೂ ಜ್ವರ ಕಾಣಿಸಿಕೊಂಡಿದ್ದು, ಐವರು ಮೃತಪಟ್ಟಿದ್ದರು. ಇದನ್ನೂ ಓದಿ : – ಸ್ಮಾರ್ಟ್ ಸಿಟಿ ಯೋಜನೆಯನ್ನು ಕಾಲಮಿತಿ ಒಳಗಡೆ ಪೂರ್ಣಗೊಳಿಸಿ – ಸ್ಮಾರ್ಟ್ ಸಿಟಿ ಎಂ ಡಿ ಗೆ ಸಿಎಂ ಖಡಕ್ ಆದೇಶ
