ಬೆಂಗಳೂರಿನ ಜಯನಗರದಲ್ಲಿ ರಾಜ್ ನ್ಯೂಸ್ ಸಾರಥ್ಯದಲ್ಲಿ ಸಿರಿ ಧಾನ್ಯ ಮೇಳ

ಬೆಂಗಳೂರಿನ ಜಯನಗರ ( JAYANAGARA ) ದಲ್ಲಿ ರಾಜ್ ನ್ಯೂಸ್ ಸಾರಥ್ಯದಲ್ಲಿ ಸಿರಿ ಧಾನ್ಯ ಮೇಳ – ನೀವೂ ಒಮ್ಮೆ ಭೇಟಿ ಕೊಡಿ.

ಬೆಂಗಳೂರಿನ ಜಯನಗರದ ಎಂ ಇ ಎಸ್ ( MES ) ಮೈದಾನದಲ್ಲಿ ಶಿವಶ್ರೀ ಮಿಡಿಯಾ ಪ್ರೈವೆಟ್ ಲಿಮಿಟೆಡ್ (ರಾಜ್ ನ್ಯೂಸ್ ) ವತಿಯಿಂದ ಸಿರಿಧಾನ್ಯ ಮೇಳ ನಡೆಯುತ್ತಿದೆ. ಶಾಸಕಿ ಸೌಮ್ಯ ರೆಡ್ಡಿ ( SOWMYA REDDY ) ಕಾರ್ಯಕ್ರಮ ಉದ್ಘಾಟಿಸಿದ್ರು.

ಈ ಸಂದರ್ಭದಲ್ಲಿ ರಾಜ್ ನ್ಯೂಸ್ ಎಂ ಡಿ ಡಾ. ಶಿವರುದ್ರಪ್ಪ, ಎಡಿಟರ್ ಶ್ರೀನಿವಾಸ್ ಹಳಕಟ್ಟಿ ಉಪಸ್ಥಿತರಿದ್ದರು. ಶಾಸಕಿ ಸೌಮ್ಯರೆಡ್ಡಿ ಮಾತನಾಡಿ ಎಲ್ಲರೂ ಬಂದು ಈ ಮೇಳದಲ್ಲಿ ಭಾಗವಹಿಸಿ ಆರೋಗ್ಯಕರ ಉತ್ಪನ್ನಗಳನ್ನ ಖರೀದಿಸಿ ಎಂದು ಕರೆ ನೀಡಿದ್ರು. ಕಾರ್ಯಕ್ರಮ ಉದ್ಘಾಟಿಸಿದ ಬಳಿಕ ಶಾಸಕಿ ಸೌಮ್ಯ ರೆಡ್ಡಿ ಶಾಪಿಂಗ್ ಮಾಡಿ ಸಖತ್ ಎಂಜಾಯ್ ಮಾಡಿದ್ರು.

ಒಂದೇ ಸೂರಿನಡಿಯಲ್ಲಿ ನಡೆಯುತ್ತಿರುವ ಈ ಮೇಳದಲ್ಲಿ ಸಿರಿಧಾನ್ಯದಿಂದ ಹಿಡಿದು ಪ್ರತಿಯೊಂದು ಆರೋಗ್ಯಕ್ಕೆ ಪೂರಕವಾದ ವಸ್ತುಗಳನ್ನ ಮಾರಾಟಕ್ಕೆ ಇಡಲಾಗಿದೆ. ಈ ಮೇಳ ಭಾನುವಾರದವರೆಗೆ ನಡೆಯಲಿದೆ. ಈ ಮೇಳದಲ್ಲಿ ಸಿರಿಧಾನ್ಯ, ಹಾಲು, ಬಟ್ಟೆ, ಕೈಮಗ್ಗ ಉತ್ಪನ್ನಗಳನ್ನ ರೈತರು ನೇರವಾಗಿ ಬಂದು ಮಾರಾಟ ಮಾಡುತ್ತಿದ್ದಾರೆ. ನೀವೂ ಮಿಸ್ ಮಾಡದೇ ಈ ಮೇಳಕ್ಕೆ ಭೇಟಿ ನೀಡಿ.