ಹಾಸನದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬಂದ ನಂತರ ಮುಸ್ಲಿಮರಿರುವ ಪ್ರದೇಶಗಳು ಉದ್ಧಾರವಾಗುತ್ತಿದೆ. ಜೆಡಿಎಸ್ ಅಧಿಕಾರದಲ್ಲಿದ್ದಾಗ ಊರಿಗೆ ರಸ್ತೆಯಾಗಲೀ ಹೆಚ್ಚಿನ ಮನೆಗಳಿಗೆ ವಿದ್ಯುತ್ ಆಗಲೀ ಇರಲಿಲ್ಲ. ಮುಸ್ಲಿಮರಿಗೆ ಸೌಕರ್ಯಗಳು ಸರಿಯಾಗಿ ಆಗಬೇಕೆಂದರೆ ಬಿಜೆಪಿ ಅಧಿಕಾರಕ್ಕೆ ಬರಬೇಕು ಎಂದು ಬಿಜೆಪಿಗೆ ಸೇರ್ಪಡೆಗೊಂಡ ಯಾಸಿಫ್ ಹೇಳಿದರು.
ಬೇಲೂರು ವಿಧಾನ ಸಭಾ ಕ್ಷೇತ್ರದ ಅಭ್ಯರ್ಥಿ ಹೆಚ್.ಕೆ ಸುರೇಶ್ ತಾಲೂಕಿನ ಬಿಕ್ಕೋಡಿನಲ್ಲಿ ಭರ್ಜರಿ ರೋಡ್ ಶೋ ನಡೆಸಿದ ಸಂದರ್ಭದಲ್ಲಿ ಮಾತನಾಡಿದ ಅವರು, ಯಾವುದೇ ಕಾರಣಕ್ಕೂ ಸುರೇಶ್ ಗೆಲ್ಲಬೇಕು. ಇದರಿಂದ ನಮ್ಮ ಭವಿಷ್ಯ ಉಜ್ವಲವಾಗಲಿದೆ, ಇದೊಂದು ಬಾರಿ ಹೊಸಬರಿಗೆ ಅವಕಾಶ ಮಾಡಿಕೊಡಿ, ಅವರಿಂದ ಈ ಭಾಗಕ್ಕೆ ಕೆಲಸವನ್ನು ಮಾಡಿಸಿಕೊಡುವುದು ನನ್ನ ಜವಾಬ್ದಾರಿ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಹೆಚ್,ಕೆ ಸುರೇಶ್, ನಿಮ್ಮೆಲ್ಲರಲ್ಲಿ ಅಂಗಲಾಚಿ ಬೇಡುತ್ತೇನೆ. ಗೆದ್ದ ನಂತರ ನಿಮ್ಮ ಸೇವಕನಾಗಿ ಕಾರ್ಯ ಮಾಡುತ್ತೇನೆ. ಬೇಲೂರಿನ ಸಂಪೂರ್ಣ ಚಿತ್ರಣವನ್ನೇ ಬದಲಾಯಿಸುತ್ತೇನೆ ಎಂದು ಹೇಳಿದರು.
