ಬೆಂಗಳೂರು: ಮಾದಿಗರಿಗೆ ಅನ್ಯಾಯ ಆಗಿದೆ, ಒಳ ಮೀಸಲಾತಿ ಕೊಡಬೇಕು. ಕಾಂಗ್ರೆಸ್ ಅವಧಿಯಲ್ಲೇ ಸದಾಶಿವ ಆಯೋಗ ರಚಿಸಲಾಯಿತು.ನಾನೂ ಹಲವು ಬಾರಿ ಒಳ ಮೀಸಲಾತಿಗೆ ದನಿ ಎತ್ತಿದ್ದೇನೆ ಎಂದು ಮಾಜಿ ಸಚಿವ ಹೆಚ್. ಆಂಜನೇಯ ಹೇಳಿದ್ದಾರೆ.
ನಗರದಲ್ಲಿ ಮಾತನಾಡಿದ ಅವರು, ನಾವೆಲ್ಲ ಬೀದಿಗೆ ಇಳಿದು ಒಳ ಮೀಸಲಾತಿಗೆ ಹೋರಾಟ ಮಾಡಬೇಕು. ಈಗ ನಮ್ಮದೇ ಸರ್ಕಾರ ಇದೆ. ನಮ್ಮ ಸಮುದಾಯದ ಸಚಿವರಾದ ಮುನಿಯಪ್ಪ, ತಿಮ್ಮಾಪೂರ ಇಬ್ರೂ ಸಿಎಂ ಜತೆ ಮಾತಾಡಬೇಕು. ಯಾವಾಗ ಸದಾಶಿವ ಆಯೋಗದ ವರದಿಗೆ ಸಂಪುಟದಲ್ಲಿ ಒಪ್ಪಿಗೆ ಕೊಡ್ತೀರ ಅಂತ ಕೇಳಿ ಸಮುದಾಯಕ್ಕೆ ತಿಳಿಸಬೇಕು. ಕಾಂತರಾಜು ವರದಿಯಲ್ಲಿ ಮಾದಿಗ ಸಮುದಾಯದ ಸ್ಥಿತಿಗತಿ ಬಗ್ಗೆ ತಿಳಿಸಲಾಗಿದೆ. ಕೂಡಲೇ ಸರ್ಕಾರ ಕಾಂತರಾಜು ಅವರ ಸಾಮಾಜಿಕ ಶೈಕ್ಷಣಿಕ ವರದಿ ಪಡೆಯಬೇಕು ಎಂದರು.
ಇನ್ನು ನಮ್ಮ ಸಮುದಾಯದ ಮುಖಂಡರಿಗೆ ನಿಗಮ ಮಂಡಳಿ, ಅಕಾಡೆಮಿಗಳಿಗೆ ನೇಮಿಸಲಿ. ವಿವರಗಳಲ್ಲಿ ನಮ್ಮ ಸಮುದಾಯದ ಒಬ್ಬರೂ ವಿಸಿ ಇಲ್ಲ. ಕುವೆಂಪು ವಿವಿಯಲ್ಲಿ ವಿಸಿ ಹುದ್ದೆ ಖಾಲಿ ಇದೆ. ಈ ಹುದ್ದೆಗೆ ನಮ್ಮ ಸಮುದಾಯದ ಶಿವಾನಂದ ಕೆಳಗಿನಮನೆ ಅವರನ್ನು ನೇಮಿಸಲಿ ಎಂದು ಆಗ್ರಹಿಸಿದ್ದಾರೆ.