ಆಕಸ್ಮಿಕವಾಗಿ ಕಾಣಿಸಿಕೊಂಡ ಬೆಂಕಿಯಿಂದಾಗಿ ಆಟೋ ರಿಕ್ಷಾ (Auto rikshaw) ಮತ್ತು ಓಮಿನಿ ಕಾರು ಭಸ್ಮವಾಗಿರುವ ಘಟನೆ ತುಮಕೂರು (Tumkuru) ಜಿಲ್ಲೆಯ ಕುಣಿಗಲ್ ಪಟ್ಟಣದಲ್ಲಿ ನಡೆದಿದೆ. ಪಟ್ಟಣದ ತಿರುಮಲ ಕಲ್ಯಾಣ ಮಂಟಪದ ಸಮೀಪ ಮನೆಯ ಎದುರು ಆಟೋ ಮತ್ತು ಓಮಿನಿ ಕಾರುಗಳನ್ನು ನಿಲ್ಲಿಸಿದ್ದರು.
ಅಸ್ಲಾಂ ಎಂಬುವವರಿಗೆ ಆಟೋ ರಿಕ್ಷಾ ಸೇರಿದೆ. ರಫೀಕ್ ಎಂಬುವವರಿಗೆ ಓಮಿನಿ ಕಾರು ಸೇರಿದೆ. ನಿನ್ನೆ ರಾತ್ರಿ ಆಟೋ ಮತ್ತು ಕಾರಿನಲ್ಲಿ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡಿದೆ. ಏಕಕಾಲದಲ್ಲಿ ಬೆಂಕಿ ಹೊತ್ತಿ ಉರಿದು ಆಟೋ ರಿಕ್ಷಾ ಮತ್ತು ಓಮಿನಿ ಕಾರು ಸಂಪೂರ್ಣ ಭಸ್ಮವಾಗಿದೆ. ವಿಷಯ ತಿಳಿಯುತ್ತಿದ್ದಂತೆ ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಬೆಂಕಿ ನಂದಿಸಿದ್ದಾರೆ.
ಇದನ್ನು ಓದಿ :- ಕಾಂಗ್ರೆಸ್ ಸುಳ್ಳು ಆಶ್ವಾಸನೆ ನೀಡಿ ಅಧಿಕಾರಕ್ಕೆ ಬರುವ ಕನಸು ಕಾಣುತ್ತಿದೆ – ಸಿಎಂ ಬೊಮ್ಮಾಯಿ
