ನಾನು ಯಾವ ಪಕ್ಷಕ್ಕೆ ಹೋದ್ರು ನಂಜೊತೆ ನೀನು ಕೆಲಸ ಮಾಡಬೇಕು ಅಂತ ನಿನಗೆ ದುಡ್ಡು ಕೊಟ್ಟಿದ್ದು ಕಣಪ್ಪ.. ನೀನು ಅವರ ಜೊತೆ ಹೋಗ್ತೀನಿ ಅಂದಮೇಲೆ ನಾನು ಕೊಟ್ಟ ದುಡ್ಡನ್ನ ನನಗೆ ವಾಪಸ್ ತಂದು ಕೊಡು” ಅಂತ ಅರಸೀಕೆರೆ ಶಾಸಕ ಕೆಎಂ ಶಿವಲಿಂಗೇಗೌಡ ( SHIVALINGEGOWDA ) ಜೆಡಿಎಸ್ ಕಾರ್ಯಕರ್ತನಿಗೆ ಅವಾಜ್ ಹಾಕಿರುವ ಆಡಿಯೋ ಒಂದು ಈಗ ವೈರಲಾಗಿದೆ.
ಅರಸೀಕೆರೆ ಶಾಸಕ ಶಿವಲಿಂಗೇಗೌಡ ಕೂಡ ಜೆಡಿಎಸ್ ತೊರೆದು ಕಾಂಗ್ರೆಸ್ ಗೆ ಹೊರಟಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿರುವ ಹಿನ್ನೆಲೆಯಲ್ಲಿ ಈಗ ಈ ಆಡಿಯೋ ಅದಕ್ಕೆ ಪುಷ್ಠಿ ನೀಡಿದೆ. ಗ್ರಾಮ ಪಂಚಾಯಿತಿ ಸದಸ್ಯೆಯೊಬ್ಬರ ಪತಿ, ವಾಸು ಎಂಬವರಿಗೆ ಹಣಕ್ಕಾಗಿ ಧಮ್ಕಿ ಹಾಕಿರುವ ಆಡಿಯೋ ವೈರಲ್ ಆಗಿದೆ. ಶಿವಲಿಂಗೇಗೌಡರು, ಈ ಆಡಿಯೋದಲ್ಲಿ ಜೆಡಿಎಸ್ ತೊರೆಯುವ ಬಗ್ಗೆ ಸೂಚನೆ ನೀಡಿದ್ದಾರೆ. ವಾಸು ಜೊತೆ ಶಾಸಕ ಕೆ.ಎಂ.ಶಿವಲಿಂಗೇಗೌಡ ಮಾತನಾಡಿರುವ ಆಡಿಯೋದಲ್ಲಿ, ನನ್ನ ಜೊತೆ ಇರೋದಿಲ್ಲ ಅಂದ್ಮೇಲೆ ನಾನು ಕೊಟ್ಟ 50 ಸಾವಿರ ಹಣವನ್ನು ವಾಪಸ್ ಕೊಡು. ನೀನು ಆ ಕಡೆ ಹೋಗ್ತೀಯ ಅಂದ ಮೇಲೆ, ನಾನು ಯಾಕೆ ನಿನ್ನ ಜೊತೆಯಲ್ಲಿ ಇಟ್ಕೋಬೇಕು. ನನ್ನ ಪರವಾಗಿ ಇಲ್ಲ ಅಂದಮೇಲೆ ಹಣ ತಂದು ಕೊಡು ಎಂದು ಧಮ್ಕಿ ಹಾಕಿದ್ದಾರೆ. ಇದನ್ನು ಓದಿ :- ಎರಡನೇ ಮದುವೆ ತಯಾರಿ ಸುದ್ದಿ ಸುಳ್ಳು – ನಟಿ ಪ್ರೇಮಾ
ಇದನ್ನು ಓದಿ :- ಭ್ರಷ್ಟಾಚಾರದ ಬಗ್ಗೆ ಚರ್ಚಿಸಲು ವಿಧಾನಸೌಧದ ಮುಂದೆ ಒಂದು ವೇದಿಕೆ ಹಾಕಿ – ಬಿಜೆಪಿಗೆ ಹರಿಪ್ರಸಾದ್ ಪಂಥಾಹ್ವಾನ
