31 ಲಕ್ಷದ 8 ಸಾವಿರ ಖಾತೆಗಳನ್ನು ನಿಷೇಧಿಸಲಾಗಿದೆ ಎಂದು ವಾಟ್ಸಾಪ್ ಮಾಹಿತಿ ನೀಡಿದೆ.
ಇಂಟರ್‌ನೆಟ್‌, ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ವಾಟ್ಸಾಪ್ ಅಪರಿಚಿತವೇನೂ ಅಲ್ಲ. ಕೋಟ್ಯಂತರ ಮಂದಿ ವಾಟ್ಸಾಪ್ ಅನ್ನು ಬಳಸುತ್ತಾರೆ. ಆದರೆ, ಕೆಲವೊಮ್ಮೆ ವಾಟ್ಸಾಪ್ ಅನ್ನು ಅಮಾಯಕರನ್ನು ವಂಚಿಸಲು ಬಳಕೆ ಮಾಡಲಾಗುತ್ತಿದೆ. ಈ ವಂಚನೆಯಿಂದ ಸಾಕಷ್ಟು ಮಂದಿ ನೊಂದಿದ್ದಾರೆ.
ಅಂತೆಯೇ, ವಾಟ್ಸಾಪ್ ತನ್ನ ” ಭಾರತದ ಮಾಸಿಕ ವರದಿಯನ್ನು” ಬಿಡುಗಡೆ ಮಾಡಿದ್ದು, ಇದರಲ್ಲಿ ದೇಶದಲ್ಲಿ ತಾನು ನಿಷೇಧಿಸಿರುವ ಖಾತೆಗಳ ಸಂಖ್ಯೆ, ರಿಪೋರ್ಟ್‌ಗಳನ್ನು ಸ್ವೀಕರಿಸಿದ ಸಂಖ್ಯೆ ಮತ್ತು ಖಾತೆ ಮೇಲೆ ತೆಗೆದುಕೊಂಡ ಕ್ರಮದ ವಿವರವನ್ನು ನೀಡಿದೆ.
ವರದಿಯ ಪ್ರಕಾರ ಮೆಟಾ ಮಾಲಿಕತ್ವದ ಈ ಮೆಸೆಂಜರ್‌ ಸಂಸ್ಥೆ 2023ರ ಜುಲೈ 1 ರಿಂದ ಸೆಪ್ಟಂಬರ್ 30ರ ನಡುವೆ ಭಾರತದಲ್ಲಿ 72 ಲಕ್ಷಕ್ಕೂ ಅಧಿಕ ದುರುದ್ದೇಶಪೂರಿತ ವಾಟ್ಸಾಪ್ ಖಾತೆಗಳನ್ನು ನಿಷೇಧಿಸಿದೆ. ಈ ತಿಂಗಳಲ್ಲಿ ಒಟ್ಟು 72 ಲಕ್ಷ 28 ಸಾವಿರ ಖಾತೆಗಳನ್ನು ವಾಟ್ಸಾಪ್ ಬ್ಯಾನ್ ಮಾಡಿದೆ. ಇದರಲ್ಲಿ ಬಳಕೆದಾರರಿಂದ ಯಾವುದೇ ರಿಪೋರ್ಟ್‌ಗಳು ಬರದೇ ಇದ್ದರೂ ಮುಂಜಾಗೃತೆಯಾಗಿ 31 ಲಕ್ಷದ 8 ಸಾವಿರ ಖಾತೆಗಳನ್ನು ನಿಷೇಧಿಸಲಾಗಿದೆ ಎಂದು ವಾಟ್ಸಾಪ್ ಹೇಳಿಕೊಂಡಿದೆ.
