ಸಂಜೆ ಅಥವಾ ಟೀ ಟೈಮ್ ಗೆ ಒಂದು ಪರ್ಫೆಕ್ಟ್ ಸ್ನ್ಯಾಕ್ಸ್ ಅಂದ್ರೆ ಕಟ್ಲೆಟ್. ಆಲೂಗಡ್ಡೆ ಹಾಗೂ ಇತರ ತರಕಾರಿಗಳನ್ನು ಹೆಚ್ಚಾಗಿ ಕಟ್ಲೆಟ್ ನಲ್ಲಿ ಬಳಸಲಾಗುತ್ತದೆ. ನಾವಿಂದು ಬೇಯಿಸಿದ ಮೊಟ್ಟೆಯ ಕಟ್ಲೆಟ್ ಮಾಡುವುದು ಹೇಗೆ ಎಂದು ಹೇಳಿಕೊಡುತ್ತೇವೆ. ನೀವೂ ಕೂಡಾ ಇದನ್ನು ಮನೆಯಲ್ಲಿ ಒಮ್ಮೆ ಟ್ರೈ ಮಾಡಿ.
ಬೇಕಾಗುವ ಪದಾರ್ಥಗಳು:
ಬೇಯಿಸಿದ ಮೊಟ್ಟೆ – 5
ಬೇಯಿಸಿ ಕಿವುಚಿದ ಆಲೂಗಡ್ಡೆ – 3
ಸಣ್ಣಗೆ ಹೆಚ್ಚಿದ ಈರುಳ್ಳಿ – 2
ಕೆಂಪು ಮೆಣಸಿನ ಪುಡಿ – 1 ಟೀ ಸ್ಪೂನ್
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು – 3 ಟೀ ಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಹಸಿ ಮೊಟ್ಟೆ – 1
ಬ್ರೆಡ್ ಕ್ರಂಪ್ಸ್ ಅಥವಾ– ಕೋಟಿಂಗ್ಗೆ
ಎಣ್ಣೆ – ಕರಿಯಲು ಇದನ್ನೂ ಓದಿ :- ದೇವಸ್ಥಾನದ ಶೈಲಿಯಲ್ಲಿ ಮಾಡಿ ತರಕಾರಿ ಸಾಂಬಾರ್
ಮಾಡುವ ವಿಧಾನ :-
ಮೊದಲಿಗೆ ಒಂದು ಬಟ್ಟಲಿನಲ್ಲಿ ಬೇಯಿಸಿ ಕಿವುಚಿದ ಆಲೂಗಡ್ಡೆ, ಈರುಳ್ಳಿ, ಕೆಂಪು ಮೆಣಸಿನ ಪುಡಿ, ಉಪ್ಪು ಮತ್ತು ಕೊತ್ತಂಬರಿ ಸೊಪ್ಪನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಬೇಯಿಸಿದ ಮೊಟ್ಟೆಗಳನ್ನು ತೆಗೆದುಕೊಂಡು ಅದಕ್ಕೆ ಆಲೂಗಡ್ಡೆ ಮಿಶ್ರಣವನ್ನು ಸುತ್ತಲೂ ಕೋಟ್ ಮಾಡಿ. ಮೊಟ್ಟೆ ಸಂಪೂರ್ಣವಾಗಿ ಆಲೂಗಡ್ಡೆ ಮಿಶ್ರಣದಿಂದ ಕೋಟ್ ಆಗಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
ಈಗ ಇನ್ನೊಂದು ಬಟ್ಟಲಿನಲ್ಲಿ ಹಸಿ ಮೊಟ್ಟೆಯನ್ನು ಒಡೆದು ಹಾಕಿ, ಹಳದಿ ಹಾಗೂ ಬಿಳಿ ಭಾಗ ಕೂಡುವಂತೆ ಚೆನ್ನಾಗಿ ಮಿಕ್ಸ್ ಮಾಡಿ. ಒಂದು ಪ್ಲೇಟ್ ನಲ್ಲಿ ಬ್ರೆಡ್ ಕ್ರಂಪ್ಸ್ ಪೌಡರ್ ಅನ್ನು ಹರಡಿ .ಈಗ ಆಲೂಗಡ್ಡೆ ಮಿಶ್ರಣದಿಂದ ಕೋಟ್ ಮಾಡಿದ ಮೊಟ್ಟೆಗಳನ್ನು ಒಂದೊಂದಾಗಿಯೇ ಹಸಿ ಮೊಟ್ಟೆಯಲ್ಲಿ ಅದ್ದಿ ಬಳಿಕ ಬ್ರೆಡ್ ಕ್ರಂಪ್ಸ್ ನಲ್ಲಿ ಉರುಳಿಸಿ. ಈಗ ಮೊಟ್ಟೆಗಳನ್ನು ಒಂದೊಂದಾಗಿಯೆ ಬಿಸಿ ಎಣ್ಣೆಯಲ್ಲಿ ಹಾಕಿ ಡೀಪ್ ಫ್ರೈ ಮಾಡಿ. ಕಟ್ಲೆಟ್ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಹುರಿಯಿರಿ. ಗರಿಗರಿಯಾದ ಮೊಟ್ಟೆ ಮತ್ತು ಆಲೂಗಡ್ಡೆ ಕಟ್ಲೆಟ್ ತಯಾರಾಗಿದ್ದು, ಚಹಾದೊಂದಿಗೆ ಬಿಸಿ ಬಿಸಿ ಸವಿಯಲು ಸಿದ್ದವಾಗುತ್ತದೆ.
ಇದನ್ನೂ ಓದಿ :- ‘ಚಿಕನ್ ಕಥಿ ರೋಲ್’ – ಒಮ್ಮೆ ಮನೆಯಲ್ಲಿ ಟ್ರೈ ಮಾಡಿ
