ಹಣಕ್ಕಾಗಿ ಭಿಕ್ಷುಕಿಯ ಭೀಕರ ಕೊಲೆ

ಹಣಕ್ಕಾಗಿ ಭಿಕ್ಷುಕಿಯ ಭೀಕರ ಕೊಲೆ

ಮೈಸೂರು: ನಗರದ ನಂಜುಮಳಿಗೆ ವೃತ್ತದಲ್ಲಿ ಭಿಕ್ಷೆ ಬೇಡಿಕೊಂಡು ಜೀವನ ಸಾಗಿಸುತ್ತಿದ್ದ ಅಪರಿಚಿತ ಮಹಿಳೆಯ ಕೊಲೆ ಮಾಡಲಾಗಿದೆ.

ಮಹಿಳೆ ಬಳಿಯಿದ್ದ ಹಣಕ್ಕಾಗಿ ಈ ಕೊಲೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.

ಈ ಮಹಿಳೆಗೆ ಇತ್ತೀಚೆಗೆ ಆಟೋ ಡಿಕ್ಕಿ ಹೊಡೆದು ಪೆಟ್ಟು ಬಿದ್ದಿತ್ತು. ಡಿಕ್ಕಿಯೊಡೆದ ಆಟೋ ಚಾಲಕ ಚಿಕಿತ್ಸೆಗೆಂದು ಮಹಿಳೆಗೆ 10 ಸಾವಿರ ಹಣ ನೀಡಿದ್ದ.

ಮಹಿಳೆಯ ಬಳಿ ಇದ್ದ ಈ ಹಣಕ್ಕಾಗಿ ಕೊಲೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.

ಸುದ್ದಿ ತಿಳಿಯುತ್ತಿದ್ದಂತೆ ಪೊಲೀಸರು ಸ್ಥಳಕ್ಕಾಗಮಿಸಿದ್ದು, ಮಹಿಳೆಯ ಶವ ಮರಣೋತ್ತರ ಪರೀಕ್ಷೆಗಾಗಿ ಶವಾಗಾರಕ್ಕೆ ರವಾನಿಸಿದ್ದಾರೆ.

ಅಲ್ಲದೆ ಕೊಲೆ ಆರೋಪಿ ರವಿ ಎಂಬಾತನನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಈ ಸಂಬಂಧ ಕೆ.ಆರ್.ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.