ಬೆಂಗಳೂರು : ರಾಜಧಾನಿ ಬೆಂಗಳೂರಿನಲ್ಲಿ ಭಾರೀ ಅನಾಹುತ ತಪ್ಪಿದೆ. ಸಿಐಡಿ ಕಚೇರಿ ಮುಂದೆ ರಾತ್ರಿ ಡೆಡ್ಲಿ ಆ್ಯಕ್ಸಿಡೆಂಟ್ ಆಗಿದ್ದು, ಎಂಟು ವ್ಹೀಲ್ ನ ಗೂಡ್ಸ್ ಗಾಡಿಯಿಂದ ಡೆಡ್ಲಿ ಆ್ಯಕ್ಸಿಡೆಂಟ್ ಸಂಭವಿಸಿದೆ.
ಫುಟ್ ಪಾತ್ ಮೇಲಿದ್ದ ಪೊಲೀಸ್ ಚೌಕಿಯೇ ಕಿತ್ತೋಗೋವಷ್ಟು ರಭಸದಿಂದ ಗೂಡ್ಸ್ ಗಾಡಿ ಡಿಕ್ಕಿ ಹೊಡೆದಿದೆ. ಪರಿಣಾಮ ಸಿಐಡಿ ಆಫೀಸ್ ಮುಂದೆ ಇರೋ ಪೊಲೀಸ್ ಚೌಕಿ, ಸಿಗ್ನಲ್ ಎರಡೂ ಕಿತ್ತೋಗಿದೆ.
ಪೊಲೀಸ್ ಚೌಕಿ, ಸಿಗ್ನಲ್ ಕಂಬ ಬೀಳಿಸಿ ಚಾಲಕ ಎಸ್ಕೇಪ್ ಆಗಿದ್ದಾನೆ. ರಾತ್ರಿ 11.30ರ ಸುಮಾರಿಗೆ ಘಟನೆ ನಡೆದಿದೆ. ಅದೃಷ್ಟವಶಾತ್ ಯಾರಿಗೂ ಏನೂ ಆಗಿಲ್ಲ. ಕುಡಿದು ಗಾಡಿ ಓಡಿಸಿರೋ ಶಂಕೆ ವ್ಯಕ್ತವಾಗಿದೆ. ಕಬ್ಬನ್ ಪಾರ್ಕ್ ಸಂಚಾರಿ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ಜರುಗಿದ್ದು, ಘಟನಾ ಸ್ಥಳಕ್ಕೆ ಕಬ್ಬನ್ ಪಾರ್ಕ್ ಸಂಚಾರಿ ಪೊಲೀಸರು ಭೇಟಿ ಪರಿಶೀಲನೆ ಮಾಡಿದ್ದಾರೆ.
