ಕೋಟಿ ಕೋಟಿ ಹಣಕ್ಕೆ ಆನೆದಂತ ಮಾರಾಟಕ್ಕೆ ಯತ್ನಿಸ್ತಿದ್ದ ಆರೋಪಿಗಳು ಅಂಧರ್‌

ಬೆಂಗಳೂರು : ಆನೆದಂತ ಮಾರಾಟಕ್ಕೆ ಯತ್ನಿಸುತ್ತಿದ್ದ 8 ಆರೋಪಿಗಳನ್ನು ಸಿನಿಮೀಯ ಶೈಲಿಯಲ್ಲಿ ಅರಣ್ಯ ಸಂಚಾರಿ ದಳ ಚೇಸ್ ಮಾಡಿ ಬಂಧಿಸಿದ್ದಾರೆ ಎಂದು ವರದಿಯಾಗಿದೆ.

ರತ್ನ (46) , ಐಯನ್ ಕುಟ್ಟಿ ( 53) ನಾರಾಯಾಣ ಸ್ವಾಮಿ (50) ದಿನೇಶ್ , ರವಿ (44) ಕೃಷ್ಣ ಮೂರ್ತಿ (35) ಮನೋಹರ್ (61) ವೆಂಕಟೇಶ್ ( 51) ಬಂಧಿತ ಆರೋಪಿಗಳು.

ಜಾಲಹಳ್ಳಿ ಅರಣ್ಯ ಘಟಕ ಸಂಚಾರಿ ದಳದ ಸಿಬ್ಬಂದಿಗಳು ತಮಿಳುನಾಡಿನ ಬಾರ್ಡರ್‌ವರೆಗೂ ದಂತಚೋರರನ್ನ ಸಿನಿಮೀಯ ಶೈಲಿಯಲ್ಲಿ ಚೇಸ್ ಮಾಡಿ ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.

ಆಗ ಕನಕಪುರ ತಮಿಳುನಾಡಿನ ಗಡಿಯಲ್ಲಿ ಎರಡು ಆನೆ ದಂತವನ್ನು ಕೋಟಿ ಕೋಟಿಗೆ ಮಾರಾಟಕ್ಕೆ ಯತ್ನಿಸುತ್ತಿದ್ದರು ಎಂದು ಮಾಹಿತಿ ತಿಳಿದು ಬಂದಿದೆ. ಅಷ್ಟೇ ಅಲ್ಲದೇ ಅರಣ್ಯ ಸಂಚಾರಿ ದಳದಿಂದ ಝೈಲೋ ಕಾರು , ಎರಡು ಆನೆ ದಂತ , 8 ಮೊಬೈಲ್ ವಶಕ್ಕೆ ಪಡೆಯಲಾಗಿದೆ.