ಅಂಗಡಿಯಲ್ಲಿ ಸಿಲಿಂಡರ್ ಸ್ಪೋಟ : ತಂದೆ ಮಗಳು ಸಾವು

ವಿಜಯನಗರ: ಅಂಗಡಿಯಲ್ಲಿ ಸಿಲಿಂಡರ್​ ಸ್ಪೋಟಗೊಂಡು ತಂದೆ ಮಗಳು ಸಜೀವ ದಹನಗೊಂಡ ಘಟನೆ ವಿಜಯನಗರ ಜಿಲ್ಲೆಯ ಕೂಡ್ಲಿಗಿ ತಾಲೂಕಿನ ತಾಯಕನಹಳ್ಳಿಯಲ್ಲಿ ನಡೆದಿದೆ.

ಮೃತರನ್ನು ಕೃಷ್ಣಪ್ಪ (34) ಮತ್ತು ಆತನ ಮಗಳು ಭೂಮಿಕಾ (11) ಎಂದು ಗುರುತಿಸಲಾಗಿದೆ. ಶೆಡ್​ವೊಂದರಲ್ಲಿ ಕೃಷ್ಣಪ್ಪ ಟೀ ಅಂಗಡಿ ನಡೆಸುತ್ತಿದ್ದ ಎನ್ನಲಾಗಿದೆ.

ಇಂದು ಸಂಜೆ ಗ್ಯಾಸ್​ ಸ್ಟೋವ್ ಹಚ್ಚಿ ಟೀ ಮಾಡಲು ಇಟ್ಟಿದ್ದಾಗ ಆಕಸ್ಮಿಕವಾಗಿ ಸಿಲಿಂಡರ್​ ಸ್ಪೋಟವಾಗಿದ್ದು, ಶೆಡ್​ನಲ್ಲಿ ಏಕಾಏಕಿ ಬೆಂಕಿ ಹತ್ತಿಕೊಂಡು ಇಬ್ಬರು ಸಜೀವ ದಹನವಾಗಿದ್ದಾರೆ. ಘಟನೆ ಬಗ್ಗೆ ಕೂಡ್ಲಿಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.