ಶಾಲಾ ಪಠ್ಯದಲ್ಲಿ ಬಲಪಂಥೀಯ ಚಿಂತನೆ ಅಳವಡಿಕೆ – ಸರ್ಕಾರದ ವಿರುದ್ಧ ಪ್ರಗತಿಪರ ಚಿಂತಕರು ಬಹಿರಂಗ ಪತ್ರ

ಶಾಲಾ ಪಠ್ಯದಿಂದ ಭಗತ್ ಸಿಂಗ್ ( BHAGATH SINGH ) ಸೇರಿದಂತೆ ಹಲವು ಸಾಹಿತಿಗಳ ಪಠ್ಯ ಬಿಟ್ಟಿರುವ ವಿಚಾರ ಕುರಿತಂತೆ ನಾಡಿನ ಪ್ರಗತಿಪರ ಚಿಂತಕರು, ಹಿರಿಯ ಸಾಹಿತಿಗಳು, ಪತ್ರಕರ್ತರು, ಶಿಕ್ಷಣ ತಜ್ಞರು ಸರ್ಕಾರಕ್ಕೆ ಬಹಿರಂಗ ಪತ್ರ ಬರೆದಿದ್ದಾರೆ .

ಒಟ್ಟು 83 ಚಿಂತಕರು ಸರ್ಕಾರಕ್ಕೆ ಬಹಿರಂಗ ಪತ್ರ ಬರೆದು ಆಕ್ರೋಶವ್ಯಕ್ತಪಡಿಸಿದ್ದಾರೆ. 10 ನೇ ತರಗತಿಯ ಪಠ್ಯದಿಂದ ಪಿ ಲಂಕೇಶ್ ರ (P. lankesh ) ಮೃಗ ಮತ್ತು ಸುಂದರಿ ಎಂಬ ಪಾಠವನ್ನು ಕೈ ಬಿಡಲಾಗಿದೆ. ಡಾ. ಜಿ ರಾಮಕೃಷ್ಣರ ( dr . G. ramakrishna )ಭಗತ್ ಸಿಂಗ್, ಸಾರಾ ಅಬೂವಕ್ಕರ್ ಅವರ ಯುದ್ಧ ಎಎನ್ ಮೂರ್ತಿಯವರ ವ್ಯಾಘ್ರ, ಶಿವಕೋಟ್ಯಾಚಾರ್ಯರ ಸುಕುಮಾರಸ್ವಾಮಿ ಕಥೆಗಳನ್ನೂ ಕೈ ಬಿಡಲಾಗಿದೆ. ಜೊತೆಗೆ ಬ್ರಹ್ಮ ಶ್ರೀ ನಾರಾಯಣ ಗುರುಗಳು, ಪೆರಿಯಾರ್ ಚಿಂತನೆಗಳಿರುವ ಪಠ್ಯಗಳನ್ನೂ ಹೊರಗಿಡಲಾಗಿದೆ . ಅದರ ಬದಲಿಗೆ ಎಸ್ ವಿ ಪರಮೇಶ್ವರ ಭಟ್ಟರ ಹೇಮಂತ, ಗಜನನಾ ಶರ್ಮಾತ , ಚನ್ನ ಭೈರಾಧೇವಿ, ಎನ್ ರಂಗನಾಥ್ ರ ರಾಮರಾಜ್ಯ ಹಾಗೂ ಎಸ್ ಎಲ್ ಭೈರಪ್ಪರ ನಾನು ಕಂಡಂತೆ. ಡಾ. ಬಿಜಿಎಲ್ ಸ್ವಾಮಿಯವರ ಕಥೆಗಳನ್ನು ಅಳವಡಿಕೆ ಮಾಡಲಾಗಿದೆ . ಇದನ್ನೂ ಓದಿ : – ಚಿಕ್ಕಮಗಳೂರಿನ ದತ್ತಪೀಠದಲ್ಲಿ ವಿವಾದದ ಮೇಲೆ ವಿವಾದ…?

ಯಾವುದೇ ಚರ್ಚೆ ಇಡದೆ ಸರ್ಕಾರ ಬೇಕಾಬಿಟ್ಟಿ ಬಲಪಂಥೀಯ ಚಿಂತನೆಗಳನ್ನು ಪಠ್ಯಕ್ಕೆ ತುಂಬಿದೆ . ಸರ್ಕಾರ ಬದಲಾದಂತೆ ಪಠ್ಯ ಬದಲಿಸುವ ಪರಿಪಾಠ ಸರಿಯಲ್ಲ ಎಂದು ಪತ್ರದ ಮೂಲಕ ಅಸಮಾಧಾನ ಹೊರಹಾಕಿದ್ದಾರೆ . ಯಾವುದೇ ಪೂರ್ವಾಲೋಚನೆ ಇಲ್ಲದೆ ಶಿಕ್ಷಣ ತಜ್ಞರ ಸಲಹೆ ಇಲ್ಲದೆ ಪಠ್ಯ ತಯಾರಿಸಲಾಗಿದೆ . ಪಠ್ಯ ಪುಸ್ತಕ ಪರಿಷ್ಕೃತ ಸಮಿತಿಯ ಅಧ್ಯಕ್ಷ ರೋಹಿತ್ ಚಕ್ರತೀರ್ಥ ಶಿಕ್ಷಣ ತಜ್ಞ ಅಲ್ಲ, ಅವರು ಶಿಕ್ಷಣ ಕ್ಷೇತ್ರದಲ್ಲಿ ಮಾಡಿದ ಸಂಶೋಧನೆ ಏನು..? ಅವರ ಕೊಡುಗೆ ಏನು ಎಂದು ಸರ್ಕಾರಕ್ಕೆ ಪ್ರಶ್ನಿಸಿದ್ದಾರೆ . ಡಾ. ಮರುಳಸಿದ್ಧಪ್ಪ, ಡಾ. ರಾಜೇಂದ್ರ ಚೆನ್ನಿ, ಡಾ. ವಿಜಯಾ, ಡಾ. ಬಂಜೆಗರೆ ಜಯಪ್ರಕಾಶ್ , ಡಾ. ರೆಹಮತ್ ತರಿಕೆರೆ, ದಿನೇಶ್ ಅಮಿನ್ ಮಟ್ಟು, ವಿಪಿ ನಿರಂಜನಾರಾಧ್ಯ, ಪ್ರೊ. ಪಟ್ಟಾಭಿರಾಮ ಸೋಮಯಾಜಿ ಸೇರಿದಂತೆ 83 ಮಂದಿ ಸರ್ಕಾರಕ್ಕೆ ಬಹಿರಂಗ ಪತ್ರ ಬರೆದಿದ್ದಾರೆ . ಇದನ್ನೂ ಓದಿ :- ಗಣಿ ಮಾಲೀಕರಿಗೆ ಗುಡ್ ನ್ಯೂಸ್ ನೀಡಿದ ಸುಪ್ರೀಂಕೋರ್ಟ್ ..!