ಲಾಕ್ ಡೌನ್ ನಿಯಮ ಪಾಲಿಸಲು ಬೈಕ್ ಸವಾರರನ್ನು ಅಡ್ಡಗಟ್ಟಿ ತಪಾಸಣೆ ಮಾಡುತ್ತಿದ್ದ ಪೊಲೀಸರು ಡಬ್ಬದಲ್ಲಿ ಹಾವು ಹೊತ್ತೊಯ್ಯುತ್ತಿದ್ದ ಸವಾರನನ್ನು ಕಂಡು ಬೆಚ್ಚಿ ಘಟನೆ ಮೈಸೂರಿನ ಆರ್ಡಿಂಝು ಸರ್ಕಲ್ನಲ್ಲಿ ನಡೆದಿದೆ.
ಮಂಗಳವಾರ ಲಾಕ್ ಡೌನ್ ತಪಾಸಣೆ ಮುಂದುವರಿಸಿದ್ದ ಪೊಲೀಸರು ವಾಹನ ತಪಾಸಣೆ ನಡೆಸುವಾಗ ಬೈಕ್ನಲ್ಲಿ ಬಂದ ಸ್ನೇಕ್ ಕುಮಾರ್ ಅವರನ್ನು ತಡೆದು ವಿಚಾರಣೆ ನಡೆಸಿದ್ದಾರೆ. ಈ ವೇಳೆ ಡಬ್ಬದಲ್ಲಿ ಹಾವನ್ನು ಹಿಡಿದುಕೊಂಡಿದ್ದನ್ನು ಕಂಡು ಪೊಲೀಸರು ತಬ್ಬಿಬ್ಬಾಗಿದ್ದಾರೆ.
ಪೊಲೀಸರು ಎಲ್ಲಿಗೆ ಹೋಗುತ್ತಿದ್ದಿಯಾ ಎಂದು ಪ್ರಶ್ನಿಸಿದಾಗ ಕಾಡಿಗೆ ಎಂದು ಉತ್ತರಿಸಿದ್ದ. ಏಕೆ ಎಂದು ಕೇಳಿದ ಪೊಲೀಸರಿಗೆ ಹಾವಿನ ಡಬ್ಬ ತೋರಿಸಿ, ಇದನ್ನು ಕಾಡಿಗೆ ಬಿಡಲು ಎಂದು ತಿಳಿಸಿದ. ತಕ್ಷಣ ಶಾಕ್ ಆದ ಪೊಲೀಸರು ಬ್ಯಾರಿಕೇಡ್ ತೆಗೆದು ಹೋಗಲು ದಾರಿ ಮಾಡಿಕೊಟ್ಟಿದ್ದಾರೆ.
ತುರ್ತು ಪರಿಸ್ಥಿತಿ ಹೊರತುಪಡಿಸಿ, ಯಾವುದೇ ಸಂದರ್ಭದಲ್ಲಿ ವಾಹನಗಳ ಸಂಚಾರಕ್ಕೆ ಅವಕಾಶವಿಲ್ಲವೆಂದು ಸರ್ಕಾರ ಹೇಳಿದೆ. ಬೇರೆ ವಿಧಿಯಿಲ್ಲದೆ ಪೊಲೀಸರು ಸ್ನೇಕ್ ಕುಮಾರ್ಗೆ ಕಾಡಿಗೆ ತೆರಳಿ ಹಾವನ್ನು ಬಿಟ್ಟು ಬರಲು ಅವಕಾಶ ನೀಡಿದ್ದಾರೆ.
